صافيناز: أحسن حاجة تحصل للبني أدم يكون عنده فرصة يصلي قبل ما يموت ومش هوافق أتجوز ممثل

تحدثت الراقصة صافيناز عن بدايتها في مجال الرقص، كما كشفت عن طقوسها قبل الصعود على المسرح، موضحة أن الله يعطيها الطاقة من أجل الرقص.

تحيا مصر يرصد لكم تصريحات صافيناز 

وقالت صافيناز خلال لقاء تلفزيوني مع الإعلامي نزار الفارس: شهرتي غيرتني للأحسن وقبل الشهرة كنت شديدة ومش بتكلم مع الناس لكن بقيت احب كل الناس حتى اللي مش بيحبوني.

وتابعت: من صغري دخلت في الرقص ونفس الوقت وانا عندي 14 سنة درست التمثيل، وكان عندي سنتين ونص دخلت فيلم هندي في سينما وأنا خارجة من السينما قولت عايزة إبقى فنانة رقص وغنا تمثيل.

صافيناز: جوزي مكنش عايزني أرقص وصاحبه اللي ساعدني

واستكملت:  جيت القاهرة 2011 وعيشت في شرم الشيخ اتجوزت هناك شخص أردني وعيشت هناك 4 سنين وكان ليا أصدقاء كتير، وزوجي مكنش راضي اكون راقصة وصاحبه اللي ساعدني.

صافيناز: بقول يارب قبل ما أطلع أرقص عشان ممكن قلبي يقف في أي وقت

وكشفت صافيناز عن الطقوس التي تفعلها قبل صعودها على المسرح وقالت: بقول يارب قبل ما أطلع أرقص عشان ممكن قلبي يقف في أي وقت، وفي فنانين كتير بيموتوا على المسرح ولازم أكون قايلة يارب، و ربنا بيديني الباور عشان أرقص.

وكشفت صافيناز: أحسن شيء يحصل للبني آدم يكون عنده فرصة قبل ما يموت يصلي حتى لو عشر دقايق، وربنا عارف إني بحب الرقص ودي مشكلة حياتي وطول ما فيا صحة هرقص ولو سبته هرجع له.

وتحدثت صافيناز عن طقوسها في شهر رمضان وقالت: رمضان هي الإجازة الوحيدة ليا اللي بستمتع بيها واحنا مش بنرقص في رمضان بس كل الناس بترقص، وكنت بصوم في رمضان مع زمايلي ومش برضى أكل قدامهم.

وتابعت صافيناز: أنا مسيحية ومش بحب حد يلمس ديانتي وممكن أسيب العالم كله إلا ديانتي، واتجوزت مسلمين لكن مفيش حد منهم طلب مني إني اغير ديانتي.

صافيناز: محبتش اللي اتجوزتهم والحب بيجي بعد الجواز

كما تحدثت صافيناز عن زيجاتها وقالت:اتجوزت 3 مرات و محبتش اللي اتجوزتهم، و الحب بيجي بعد الجواز ولازم يبقى جوزي عشان أحبه، والناس كتير بتحبني وبتتفرج عليا في الحفلة ومفيش حد يقدر يلمسني، بس المهم أن بعد الحفلة رايحة لجوزي.

واستكملت: لو قررت تتجوز راقصة أو ممثلة لازم يبقى ترضى بكل حاجة ومفيش حد ضربك على إيدك، وتخلي اعصابك تلج.

وأوضحت: أنا موافقش أتجوز ممثل مفيش حد يتفرج على حاجتي، و أي بني أدم شغله يخليني أغير وأموت من الغيرة بس ممكن أنت غيرتك تمام أنا بغير جدًا.