محمود حميدة بعد تصريحات بيومي فؤاد بشأن أزمة فيلم مطرح مطروح: لو كنت أعرف الموضوع مكنتش وافقت

علق الفنان محمود حميدة على تصريحات بيومي فؤاد الأخيرة، بشأن قيام المنتج محمد السبكي بإسناد دور البطولة له بعد أن قام بالتعاقد مع بيومي فؤاد.

تحيا مصر يرصد لكم تصريحات محمود حميدة 

وقال محمود حميدة خلال لقائه في برنامج ذا إنسايدر: أنا موقفي في الحاجات دي ثابت من زمان ولو أنا كنت أعرف الموضوع ده مكنتش هوافق على العمل.

محمود حميدة: المخرج خاف يقولي لمكلمش الفيلم

وتابع: المخرج وائل إحسان قالي أن هو عرف وهو في النص العمل الموضوع الخاص ببيومي فؤاد وهو خاف يقولي لمكملش الفيلم.

واستكمل محمود حميدة: طبعا أنا معرفش أنا كنت هعمل إيع ساعتها بس أنا في المواقف دي طبعا برفض ولو عرفت الحكاية دي وخصوصا إذا كانت هتسبب ألم  لأن أنا عمري في حياتي ما عملت كده 

وأضاف: أنا كنت دايما لما طلعت كنت بعمل لأحمد زكي ومحمود عبد العزيز وفاروق الفيشاوي ولما كان بيحصل موضوع زي ده ويقولولي العمل ده كان المفروض يعمله فاروق بس انت هتعمله اسالهم فاروق عرق يقولوا اه اقولهم كلموه.

تصريحات بيومي فؤاد

وكان قد هاجم بيومي فؤاد المنتج محمد السبكي بشأن أزمة فيلم مطرح مطروح وقال «فؤاد«»، خلال حواره في «أنا والقناع»، للإعلامية منى عبدالوهاب، على شاشة قناتي «الحياة» و«cbc»، مساء الإثنين: «اديتله فيلم بتاعي وكان في ناس جامدين جدا عاوزين ينتجولي وأنا فضلت مع محمد السبكي ورحت وديتهوله وبعد كده جاب المؤلفين ومضاهم واداهم فلوس قليلة وانا دفعتلهم فلوس من جيبي.. وبعد دا كله جاب محمود حميدة يمثل مكاني».

بيومي فؤاد: لما سمعت الخبر ضغط عيني ارتفع وكانت هتنفجر

وكشف أن الفيلم اسمه «مطرح ما تروح»، وسيعرض في دور السينما قريبًا جدا في عيد الفطر المبارك، موضحًا: «لما سمعت الخبر ضغط عيني ارتفع ووصل 50 وكادت تنفجر، وكان الطبيب عايز يعملي جراحة في الحال».

وتابع بيومي فؤاد عن محمد السبكي: «ولا أستاذ ولا بتاع»، مشيرا إلى أنه لم يعاتب المنتج حتى الآن لكن كل ما يريد قوله هو «حسبي الله ونعم الوكيل».