خالد الفايد: الموضوع اللي بيني وبين هاني محروس اتحل.. وهنزل قرآن بصوتي

أعلن الفنان المعتزل خالد الفايد انتهاء أزمته مع المنتج هاني محروس، وذلك خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات خالد الفايد عبر فيسبوك

انتهاء الأزمة بين خالد الفايد وهاني محروس

وكتب خالد الفايد: الموضوع بيني وبين أستاذ هاني محروس اتحل وإن شاء الله مفيش أي حاجة وشكرًا جدَا لأستاذ هاني أنه تفهم الوضع وقال مفيش حاجة خلاص ومش هعمل أي حاجة وربنا يقدم الخير، وإن شاء الله أكون في مصر خلال أيام.

وتابع: وشكرًا بجد أن صوتي وصل ولقينا حل مع أستاذ هاني محروس وشكرًا للأستاذ سيد حجاج على تدخله وحصل خير يا شباب، وأنا خلاص همسح البوستات اللي فاتت.

خالد الفايد يستعد لتسجيل القرآن بصوته

واستكمل: وادعولي ربنا يثبتني على طريق الحق وإن شاء الله ف مصر لما أنزل بيتي مفتوح لأي حد من أهلي وحبايبي اللي وقفوا جمبي ودعموني، وإن شاء الله أسجل القرآن الكريم كامل بصوتي قريبا وانزله عندي.
واختتم: الحمد لله رب العالمين والله بحبكم في الله ويشهد الله على ما في قلبي من محبة ليكم.

رد خالد الفايد على زوجة هاني محروس

وسبق وأن خرج المطرب المعتزل خالد الفايد للرد على تصريحات زوجة المنتج هاني محروس بشأن اعتزال مطرب ذا فويس كيدز الغناء بسبب رغبته في الحصول على العقد الذي بينه وبين هاني محروس للعمل في شركة أخرى.

وكتب خالد الفايد عبر حسابه الرسمي بموقع التواصل الإجتماعي “فيسبوك”: “اولا انا مرضيتش اذكر ديانات ابدا ف الموضوع ثانيا انتي مراته واكيد محموقة عليه وزعلانة ثالثا البوستات اللي كان بيقولي امسحها كانت بوستات دينيه وربنا شاهد”.

وتابع: “لما كنت منزل بروفايل مكتوب فيه (محمد صلي الله عليه وسلم ) لقيته بيقولي مينفعش تنزل ده امسحه ودا غلط انا قلت نعم حضرتك! اي الغلط في كدا، رابعا انا لما قلتله عاوز لبس علشان انا فنان ومنظري لازم يكون كويس لانه ف وشك قاللي حاضر وجابلي كارتونه فيها لبس مهري وكوتشيات مقطعه مش( ماركات) ولا حاجه الكذب حرام ولما انا زعلت راح مطلعلي الف جنيه بيقولي خد اشتري لبس”.