خالد الفايد عن هاني محروس: كان جايبلي هدوم مقطعة وطردني من الشقة ونمت 3 أيام في الشارع

خرج المطرب المعتزل خالد الفايد للرد على تصريحات زوجة المنتج هاني محروس بشأن اعتزال مطرب ذا فويس كيدز الغناء بسبب رغبته في الحصول على العقد الذي بينه وبين هاني محروس للعمل في شركة أخرى.

تحيا مصر يرصد في ذلك التقرير رد خالد الفايد على زوجة هاني محروس

خالد الفايد عن هاني محروس: قالي امسح بوست محمد صلى الله عليه وسلم وكان جايبلي لبس مهري

وكتب خالد الفايد عبر حسابه الرسمي بموقع التواصل الإجتماعي “فيسبوك”: “اولا انا مرضيتش اذكر ديانات ابدا ف الموضوع ثانيا انتي مراته واكيد محموقة عليه وزعلانة ثالثا البوستات اللي كان بيقولي امسحها كانت بوستات دينيه وربنا شاهد”.

وتابع: “لما كنت منزل بروفايل مكتوب فيه (محمد صلي الله عليه وسلم ) لقيته بيقولي مينفعش تنزل ده امسحه ودا غلط انا قلت نعم حضرتك! اي الغلط في كدا، رابعا انا لما قلتله عاوز لبس علشان انا فنان ومنظري لازم يكون كويس لانه ف وشك قاللي حاضر وجابلي كارتونه فيها لبس مهري وكوتشيات مقطعه مش( ماركات) ولا حاجه الكذب حرام ولما انا زعلت راح مطلعلي الف جنيه بيقولي خد اشتري لبس”.

خالد الفايد: أنا صدقت في توبتي ومش عايز اشتغل تاني

وأضاف: “خامسا انا مكنتش قاعد ف بيته ولا حاجه دي شقة الشركه اللي انا كنت ماضي فيها ف طبيعي كان من حقي اقعد فيه وهو لما انا بطلت غنا طردني من الشقه ومنع عني مصروفي وانا كنت بايت ٣ ايام في الشارع وربنا شاهد علي كلامي، ثم مين قال اني عايز العقد علشان اشتغل مع حد تاني انا لو عايز اشتغل بجد وانجح هيكون مع هاني محروس لانه منتج شاطر وشركه تقيله واي حد مع الناس دي بينجح  معاه انا صدقت ف توبتي لله عز وجل وانا مش كداب زيكم ولا بعرف اكدب".

خالد الفايد: هاني محروس واسرته معرفوش يردوا عليا فبيشوهوا سمعتي

وفي منشور أخر كتب خالد الفايد: "سبحان الله هاني واللي معاه مش عارفين يردوا عليا بعد ما وضحت كل حاجه راحت مراته منزله بوست عليا بتشكك ف مصداقية توبتي، علشان الناس بتدعمني وعلشان انتوا واقفين جمبي وعلشان انتوا اهل حق مترضوش ابدا بالغلط طالعين يشوهوا سمعتي ويشككوا في توبتي".