زوجة هاني محروس تهاجم خالد الفايد: صرفنا عليك فلوس وطلعت عيل

هاجمت عفاف جريس زوجة المنتج هاني محروس الفنان المعتزل الشاب خالد الفايد، وذلك بعد تصريحاته الأخير ضد محروس واتهامه بتهديده.

تحيا مصر يرصد لكم تعليق زوجة هاني محروس على تصريحات خالد الفايد

وكتبت عفاف جريس منشورا عبر حسابها الشخصي بموقع التواصل الاجتماعي فيسبوك: بما إن الموضوع انتشر وهاني محرج علينا إننا مانتكلمش، بس أنا مش هقدر لأن الكلام ده كبير ودخل في الديانات.

زوجة هاني محروس لـ خالد الفايد: هاني زعقلك عشان تنزل بوستات هبلة واعتبرك ابنه

وتابعت عفاف جريس: خالد الفايد إنت قبل ما تعتزل بنص ساعة كنت عايز عقدك إنت ومامتك وخالك، علشان زعلان من هاني إنه أول مرة يزعقلك علشان بتنزل بوستات هبلة وبيقولك إنت مشروع نجم لازم تاخد بالك من تصرفاتك وفيديوهاتك، و هاني محروس ده اللي قعدك في بيته في القاهرة سنتين و24 ساعة قاعد في الاستوديو معاه ومع فنانين مصر كلهم واعتبرك ابنه.

زوجة هاني محروس: خالد كان عايز العقد علشان يشتغل لوحده ويبعد عن هاني

وتابعت عفاف جريس: شهادة حق اتحاسب عليها قدام ربنا، خالد كان عايز العقد علشان يشتغل لوحده ويبعد عن هاني، مش علشان يعتزل خالص ولما هاني قال لمامته أنا عامله ألبوم وصارف عليه  يمشي إزاي، لقي الدنيا مقفولة في وشه، وطلع من الاستوديو كتب الكلمتين  دول عنده على فيس بوك، وقال مش عايز حاجة من الدنيا، ومش عايز الفن والكلام اللي كتبه اتفهم  أنه اعتزل، وفي نص ساعة بقي  مصر كلها بتدعيله بالهداية وطبعا دي الحاجة الوحيدة  اللي مايقدرش يعترض عليها.

وأضافت: يعني من الآخر بوست صغير منه حكم على نفسه إنه أنهى طريق لسة ما بدأش فيه أصلا، وإحنا قلنا كعيلة مسيحية كل صحابنا وحبايبنا مسلمين أكيد ربنا كان كاتبله كده وربنا يعوض علينا الفلوس اللي اتصرفت عليه.

عفاف جريس: هاني محروس ابن أصول والدنيا كلها تشهد بيه

واختتمت: هو عيل صغير ويشيل شيلته ونسيناه خالص ولا بنهدده ولا فاكرينه أصلا، هاني محروس ابن أصول مفيش أجدع ولا أرجل ولا أكرم منه والدنيا كلها تشهد بده مش أنا بس.