خالد الفايد يكشف تهديدات هاني محروس له:المحامي بتاعه قالي هتقوم حرب عليك

رد الفنان المعتزل خالد الفايد على تصريحات هاني محروس بشأن عدم تهديده له، كما كشف عن المحادثات بينه وبين هاني محروس والمحامي الخاص به.

تحيا مصر يرصد لكم كشف خالد الفايد تهديدات هاني محروس له

وكتب خالد الفايد عبر حسابه بموقع التواصل الاجتماعي فيسبوك:  لا يا باشمهندس هاني انت هددتني وشتمتني ودوست على كرامتي لمجرد اني عايز اصلي واقرب من ربنا وابطل غنا.

وتابع: ولما جبت اهلي وجيتلك علشان نحل الموضوع انت خيرتني قلتلي لو عايز عقدك تاخده معنديش مشكله ولما قلتلك تمام هات العقد عليت صوتك على اهلي اللي كانوا ضيوف عندك و قلتلهم أنا صارف مليون جنيه على خالد.

خالد الفايد لـ هاني محروس: انت كنت بتديني 600 جنيه كل أسبوع

 واستكمل: دا والله العظيم كذب وزور انت كنت بتديني 600 جنيه كل أسبوع والله شهيد على الكلام ده وأن أنا مش بفتري عليك ابدا ولا بحب افتري على حد ، وقولت مليون جنيه علشان انت عارف اني شاب بسيط لا املك المبلغ ده.

خالد الفايد: المحامي بتاعك وكلمني وقالي هتقوم عليك حرب  

واستكمل: وبعد تهديداتك المحامي بتاعك استاذ خالد شوب أنا اسف ليه جدا اني هقول كدا لأني مضطر بجد وربنا يعلم كلمني قالي هاني هيقوم عليك حرب وبيقولي اتخذ اجراءات ضدك وأنا مش قادر أعمل أي حاجة معاك لإنك شاب طيب وابن حلال ومقدرش اضرك.

خالد الفايد: هو أنا مش هعرف اصلي وأقرب من ربنا وابطل ذنوب وأنا في بلدي

وأضاف: قالي حاول تتصرف وتشوف حل وكان الحل قدامي إني امشي واسيب البلد وبعتلك ناس تتكلم معاك من حبايبك وانت مقدرتش حد وقلت دي اجراءات وهمشي فيها .

واسطرد: ادخلوا شوفوا الاسكرينات وكمية الإهانة لكرامتي ومعاملته ليا وشتايمه وبعد دا كله بيهددني.. هو أنا مش هعرف اصلي واقرب من ربنا وابطل ذنوب وأنا في بلدي.

واختتم: كنت بتصلي في كنيستك ومحدش بيتكلم معاك وربنا يعلم أنت لو صرفت عليا مليون جنيه كان زماني معايا عربية وشقة ومتجوز يعم لكن أنا مشوفتش منك ملايين ابدًا.