خاص| أول تعليق من هاني محروس بعد اتهامات خالد الفايد ضده

رد المنتج هاني محروس على اتهامات خالد الفايد الأخيرة ضد بأنه يتلقى تهديدات من قبل محروس في الفترة الأخيرة، كما خرج يستغيث على مواقع التواصل الاجتماعي.

تحيا مصر يرصد لكم رد المنتج هاني محروس على اتهامات خالد الفايد

وقال هاني محروس في تصريحات لموقع تحيا مصر: الكلام ده مش صح أنا أكبر من إني اهدد طفل ده قد ابني ومش ههدد ابني.

اتهامات خالد الفايد لـ هاني محروس

وكان قد كشف الفنان المعتزال خالد الفايد عن أزمته مع المنتج هاني محروس عبر حسابه الرسمي بموقع التواصل الاجتماعي «فيسبوك» عقب إعلانه قرر اعتزال الغناء خلال الساعات القليلة الماضية، مشيرًا إلى أنه تعرض للسب والقذف والتهديد.

وكتب خالد الفايد عبر حسابه الرسمي بموقع «فيسبوك» عن تهديدات المنتج هاني محروس، قائلا: لا يا راجل ومشتمتنيش لما بطلت وسبت شركتك، بأفظع الشتائم والشات معايا، وهعرض شتايمك ليا واستفزازك ليا قدام الناس كلها عشان أكشف لهم كذبك، لأن الكذب عندك زي أكل الحلاوة، وأسف إني هعرضها.

خالد الفايد يستغيث بالجمهور

وكان قد خرج خالد الفايد مساء أمس يستغيث بالجمهور عبر مواقع التواصل الاجتماعي موضحًا أنه يتعرض لتهديدات من قبل المنتج هاني محروس وكتب خالد الفايد عبر حسابه بموقع التواصل الاجتماعي فيسبوك: الدفاع عن النفس واجب وأنا بدافع عن نفسي أنا مش بلبس سلاسل ولا بقا ليا في الكلام ده كله.

خالد الفايد: بيجيلي تهديدات من هاني محروس

وتابع: أنا واحد ساب بيته وساب اهله وساب  حياته كلها علشان يقدر يصلي ويقرب من ربه لكن معرفتش اقرب من ربنا في بلدي اللي هي بلد اسلامية، وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه وكمان الرساله اللي كان بعتها لاهلي بيقولي القانون بينا.

وأضاف: تمام خلي القانون بينا وأنا هسيب ربي بيني وبينك لو مش في الدنيا هيكون في الأخرة ولا يظلم ربك احدا وحسبي الله ونعم الوكيل، وليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده.