خالد الفايد: بيجيلي تهديدات من هاني محروس وعايز حد ينقذني من الشخص ده

كشف الفنان المعتزل خالد الفايد أنه يتعرض للتهديد من المنتج هاني محروس، وذلك بعد أعتزاله الغناء والتقرب من الله، والبعد عن الوسط الفني.

تحيا مصر يرصد لكم تعرض خالد الفايد لتهديدات من هاني محروس

وكتب خالد الفايد عبر حسابه بموقع التواصل الاجتماعي فيسبوك: الدفاع عن النفس واجب وأنا بدافع عن نفسي 
أنا مش بلبس سلاسل ولا بقا ليا في الكلام ده كله.

وتابع: أنا واحد ساب بيته وساب اهله وساب  حياته كلها علشان يقدر يصلي ويقرب من ربه لكن معرفتش اقرب من ربنا في بلدي اللي هي بلد اسلامية

خالد الفايد: بيجيلي تهديدات من هاني محروس

واستكمل: وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه وكمان الرساله اللي كان بعتها لاهلي بيقولي القانون بينا.

وأضاف: تمام خلي القانون بينا وأنا هسيب ربي بيني وبينك لو مش في الدنيا هيكون في الأخرة ولا يظلم ربك احدا وحسبي الله ونعم الوكيل.

خالد الفايد: عايز حد ينقذني من الشخص ده

واختتم خالد الفايد: ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده.

رؤية خالد الفايد للنبي في المنام

وكان قد كشف خالد الفايد نجم ذا فويس الذي اعتزل الغناء مؤخرًا عن رؤيته للرسول صلي الله عليه وسلم في المنام وقت نزول الوحي، وكتب خالد الفايد عبر حسابه الرسمي بموقع التواصل الاجتماعي فيسبوك: النبي قال اللي يشوف رؤيه حلوه يقولها للي بيحبه وانا بحبكم.. رأيت النبي صلي الله عليه وسلم في المنام وكنت معه بجوار الصحابه في وقت نزول الوحي عليه اول مره كان بجانبي ابا بكر الصديق وعلي بن ابي طالب وكان في داخل بيته وبجانبي ورقه بن نوفل.

وسبق وأعلن نجم ذا فويس خالد الفايد جمهوره بقرار اعتزاله الغناء، وأعلن ذلك عبر صفحته الشخصية بموقع التواصل الاجتماعي فيسبوك حيث كتب: اللهم اجعل توبتى وعملى خالصاً لوجهك الكريم، وباعتذر مش هرد على أى حد يدلنى على طريق فيه معصية لربنا عز وجل.

 مضيفا أرجوكم محدش يقوللى غنى تانى كفاية بجد مش عايز فلوس ولا شهرة ولا علاقات ولا أى سراب من ده كله".