خالد الفايد نجم ذا فويس بعد اعتزاله: رأيت النبي في المنام وكنت معه بجوار الصحابه في وقت نزول الوحي

كشف خالد الفايد نجم ذا فويس الذي اعتزل الغناء مؤخرًا عن رؤيته للرسول صلي الله عليه وسلم في المنام وقت نزول الوحي.

تحيا مصر يرصد رؤية خالد الفايد للنبي في المنام.

رؤية خالد الفايد للنبي في المنام

كتب خالد الفايد عبر حسابه الرسمي بموقع التواصل الاجتماعي فيسبوك: النبي قال اللي يشوف رؤيه حلوه يقولها للي بيحبه وانا بحبكم.. رأيت النبي صلي الله عليه وسلم في المنام وكنت معه بجوار الصحابه في وقت نزول الوحي عليه اول مره كان بجانبي ابا بكر الصديق وعلي بن ابي طالب وكان في داخل بيته وبجانبي ورقه بن نوفل.

اعتزال خالد الفايد الغناء

وكان فاجئ المطرب الشاب خالد الفايد جمهوره باتخاذ قرار اعتزال الغناء ونشر على صفحته الرسمية بموقع التواصل الاجتماعى فيس بوك صورة له وهو يرتدى زيا إسلاميا، معلقا "اللهم اجعل توبتى وعملى خالصاً لوجهك الكريم، وباعتذر مش هرد على أى حد يدلنى على طريق فيه معصية لربنا عز وجل، مضيفا أرجوكم محدش يقوللى غنى تانى كفاية بجد مش عايز فلوس ولا شهرة ولا علاقات ولا أى سراب من ده كله".

وقبلها وقع المنتج هانى محروس مع خالد الفايد لإنتاج ألبوماته الغنائية، وأطلق عليه هانى محروس اسم فنى جديد وهو خالد لملوم  وكان يخطط له الانطلاق فى عالم الاغانى ويقدم له أولى ألبوماته  بعد مشاركته فى برنامج إكتشاف المواهب The Voice Kids.

آخر أعمال خالد الفايد الغنائية

وقدم أغنية تحمل عنوان أنا حد جديد، التي حققت نجاحًا جماهيريًّا كبيرًا، وأشاد بها الفنان أحمد سعد.

كارت ومحروق
خوفك واللهفة اللي في عينك
ابعد بالذوق
ضاع كل اللي مابيني وبينك
عذرك مرفوض مش هبقي عليك

مين ده المجنون
اللي يصدق كدبك تاني
ومكان ماتكون
عمره ما هيكون هو مكاني
قدام الناس مش هغلط فيك

من يوم ماعرفتك وأنا بخسر ومفيش انجاز
من الليلة هفكر من الأول من غير احساس
كل اللي نصحني أني اكمل أنا بدعي عليه
أنا بسأل نفسي ازاي بقبل وضعي اللي أنا فيه
واخيرا فوقت وفات وقت أني اقولك ليه

أنا حد جديد
يعني أنت بقيت فعلا ماضي
خد وقت وعيد
حساباتك وأنت اكيد عادي
هتكون مرتاح يمكن خير ليك
ما أنا كنت زمان
بسكت وفي حبك بتنازل
مين الغلطان
وكفاية أنا قلبي كتير شايل
واهو كل ده راح هقدر اعديه

من يوم ماعرفتك وأنا بخسر ومفيش انجاز
من الليلة هفكر من الأول من غير احساس
كل اللي نصحني أني اكمل أنا بدعي عليه
أنا بسأل نفسي ازاي بقبل وضعي اللي أنا فيه
واخيرا فوقت وفات وقت أني اقولك ليه
هقولك ليه