ريم طارق: خلافي مع حسن شاكوش مسألة عائلية ومدمرة نفسيًا بسبب تصريحات طليقي

هاجمت ريم طارق زوجة مطرب المهرجانات حسن شاكوش طليقها أحمد، وذلك بعد استضافته في إحدى البرامج والكشف عن العديد من الأسرار في حياة ريم.

تحيا مصر يرصد لكم تصريحات ريم طارق ضد طليقها

وقالت ريم طارق خلال مداخلة هاتفية أجراتها مع الإعلامي سيد علي، خلال برنامج حضرة المواطن الذي يعرض عبر  قناة الحدث اليوم: "خلافي مع زوجي حسن شاكوش مش المشكلة الأساسية حاليا، المشكلة الأساسية إني تعرضت للتشهير من واحد ملوش أي علاقي بي، ومش عارفة صفته إيه علشان يطلع في التليفزيون.

ريم طارق: خلافي مع حسن شاكوش مسألة عائلية

وأضافت: الشخص ده عليه قضايا مستمرة، وطلع يشهر بيا علشان أتنازل عن القضايا، ولازم الجهات تتخذ إجراءات ضده، وأنا تقدمت ببلاغ ضده، أما خلافي مع حسن شاكوش فهو مسألة عائلية لا علاقة للإعلام بها.

ريم طارق تهاجم طليقها: أنا مدمرة نفسيًا بسبب واحد ملهوش أي صفة 

وتابعت: أنا نفسيا مدمرة بسبب الإنسان اللي طلع في التليفزيون، والمذيعة المحترمة اللي استضافته، وهي شاركت في التشهير بي وتشويهي نفسيا.

تصريحات طليق ريم طارق

وسبق وكشف أحمد طليق ريم طارق زوجة مطرب المهرجانات حسن شاكوش، مفاجأة بشأن الخلافات التي حدثت بينهما، كما كشف حقيقة الصور المتداوله لهم، وقال: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.

وكشف: أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.

وتابع: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.

طليق زوجة حسن شاكوش: عمري ما مديت إيدي عليها

وعن حقيقية قيامته بالتعدي عليها بالضرب أثناء زواجه لها، قال أحمد: أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت أشتكي لوالدها.