أول تعليق من زوجة حسن شاكوش بعد تصريحات طليقها بشأن إصابتها بمرض

علقت ريم طارق زوجة مطرب المهرجانات حسن شاكوش على تصريحات طليقها بشأن إصابتها بمرض، مما كان يمنع زواجها من حسن شاكوش، وأيضًا كان المتسبب في انفصالهما.

تحيا مصر يرصد لكم أول تعليق من ريم طارق على طليقها 

ريم طارق: كل حاجة سمعتوها من شياطين الأنس مش صحيحة 

وأعادت ريم نشر صورة من صفحة فانز خاصة بها عبر حسابها الشخصي بموقع تبادل الصور والفيديوهات انستجرام، وجاء فيها: توضيح: الناس اللي بتسأل عن تفاصيل مرض ريم، ريم الحمد لله سليمة تماااااااااما من اي حاجة وكل حاجة سمعتوها من شياطين الأنس مش صحيحة نهائيًا.. طبعًا كل حاجة بالدلائل والشهود احنا بس لما بنتكلم بنتكلم بالشهود والدليل مش اي كلام وخلاص.

وأضافت: تابعوا لايف نرمين فيه مستندات وشواهد طبية صرحت بيها لأول وأدلة قاطعة على سلامة ريم الصحية والنفسية.. يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ. صدق الله العظيم.

طليق ريم طارق يُفجر مفاجأة

وكان قد كشف أحمد طليق ريم طارق زوجة حسن شاكوش، مفاجأة بشأن الخلافات التي حدثت بينهما، كما كشف حقيقة الصور المتداوله لهم، وقال أحمد في برنامج تفاصيل والتي تقدمه الإعلامية نهال طايل: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.

طليق زوجة حسن شاكوش: ريم لا يصلح ليها الزواج

وأوضح: أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج، وسلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.

وعن سبب الطلاق الذي وقع بينهما، كشف أحمد أنه لن يسطيع أن يذكر السبب موضحًا: كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار.