هالة صدقي: كان نفسي أبقى دكتورة قلب بس كنت أدبي

كشفت الفنانة هالة صدقي عن المهنة التي كانت تفضل أن تمارسها بخلاف مهنة التمثيل، وذلك خلال لقائها في برنامج اسألني.

تحيا مصر يرصد لكم تصريحات هالة صدقي

وقالت الفنانة هالة صدقي: كان نفسي أبقى دكتور قلب أو مخ وأعصاب لأن والدي كان عنده القلب وأنا كنت متعلقة بيه أوي فكان نفسي أكون دكتورة من وأنا صغيرة بس كنت خايبة أوي وكنت أدبي أصلًا.

تصريحات هالة صدقي

وسبق وتحدثت الفنانة هالة صدقي عن أزمتها الأخيرة مع طليقها، كما كشفت هالة عن حبها وموهبتها في السباحة، موضحة أنها لا تنسى موهبتها فيها، وقالت هالة صدقي خلال استضافتها في برنامج معكم والتي تقدمه الإعلامية منى الشاذلي ويعرض عبر قناة سي بي سي: نحاجي في المسلسل ده هو نجاح بنات جيلي لأن البعض مش مهتمين بينا وبينزلونا درجة تانية ومش بيدونا حقنا ومش بيستغلوا خبرتنا وبيستسهلوا.

هالة صدقي: تجاوزت اللي حصلي ولا كأن حاجة حصلت

وأضافت: جيلنا كله مظلوم ومش مبسوطة من اللي بيحصل واحنا عندنا مواضيع مهمة ومش عندي مشكلة نشغل الشباب بس ناخد حقنا.

كما تحدثت هالة صدقي عن أزمتها الأخيرة وقالت: ماشية بمبدأ أمشي عدل يحتار عدوك فيك ولو صادقة وماشية صح كل حاجة هتبقى مظبوطة، و تجازوت اللي حصلي ولا كأن في حاجة حصلت وبشكر ربنا أن تجربتي كانت تافهه وكانت مجرد شوية مشاكل وإجراءات وليها حل، وفي حاجات أصعب مكنتش هقدر عليها

كما كشفت هالة صدقي عن حبها الشديد للسباحة وقالت: بعوم ساعتين تلاتة وعمري ما أنسى إني سباحة ولو عندي مشاكل الدنيا ونزلت أعوم بنسى المشاكل لأنها الراحة بالنسبالي.

كواليس مسلسل جعفر العمدة

وتحدثت الفنانة هالة صدقي عن كواليس مسلسل جعفر العمدة، وقالت: نجاح غير عادي وأنا مخضوضة مع إني لسه مخرجتش وسط الناس لكن شوفته على السوشيال ميديا، و أنا فرحانة بس مش فرحانة أنا ست كئيبة بطبعي لأني بسأل انتي هتعملي إيه بعد كده، وكان في كيميا عظيمة بيني وبين محمد رمضان وحلو لما يبقى الاتنين ممثلين وهو ممثل وشاطر وموهوب ولما احنا الاتنين مع بعض بنبقى شغالين على خط واحد وسامي معانا احنا التلاتة طلعنا مشاهد أكثر من رائعة،  نجاح شخصية صفصف كان بسبب محمد سامي.