سماح أنور: مينفعش الست تقول للراجل "مالك؟" دي حاجة مزعجة جدًا

حرصت الفنانة سماح أنور على توجيه نصيحة خاصة للسيدات، من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل نصيحة سماح أنور للسيدات

نصيحة سماح أنور للسيدات

ونشرت سماح أنور مقطع فيديو لها تقول فيه: الست لما بتقول للراجل مالك؟.. دي حاجة مزعجة جدًا بيبقى عايز يديها بالبونية في وشها بصراحة، مالك دي تقوليها لواحدة ست زيك لأنها هتقولك اسكتي مش حصل كذا كذا كذا وهنبتدي بقى نتكلم.

وتابعت: لكن بالنسبة للراجل مينفعش تقوليله مالك، لو متضايق يبقى سيبيه لوحده، دي الإشارة اللي هو دا عايز كهف دلوقتي.. كهف يعني مش عايز حد يكلمه.

تصريحات الفنانة سماح أنور لـ تحيا مصر

ويذكر أن الفنانة سماح أنور قد تحدثت في حوارها مع موقع تحيا مصر عن تفاصيل شخصيتها في مسلسل “الليلة واللي فيها” الذي يعرض حاليًا على منصة “شاهد” الإلكترونية، حيث أكدت أن ما حمسها للمشاركة في المسلسل هو جميع عناصر المسلسل نفسه.

وقالت: “ما حمسني للمشاركة في المسلسل هو المسلسل ذاته، فهو رائع والكتابة رائعة، وكان حلمي العمل مع المخرج هاني خليفة لأنه مخرج عظيم، وزينة كانت السبب في ترشيحي للمسلسل، وأنا سعيدة جدًا بأني من المشاركين فيه”.

أبرز تصريحات سماح أنور في برنامج "أسرار النجوم"

وفي وقت سابق، حلت الفنانة سماح أنور مساء اليوم الخميس الموافق 22 من شهر سبتمبر الجاري ضيفة في برنامج "أسرار النجوم" الذي تقدمه الإعلامية إنجي علي ويذاع على محطة راديو "نجوم إف إم"، وأثناء الحلقة تحدثت سماح عن الكثير من الأمور التي تخص حياتها الشخصية والفنية، ومن أبرز تصريحاتها في الحلقة:

ـ لما المخرج قالي شخصيتك في مسلسل "الليلة واللي فيها" محجبة، قولتله لا مش همثل بالحجاب عشان شكلي من غير شعر بيبقى شبه بيضة شم النسيم

ـ بعد نجاحي في مسلسل "الليلة واللي فيها" اتعرض عليا مسلسل كبير لنجوم كبار لشهر رمضان الجاي ودوري فيه كان مشهدين تلاتة، واستغربت أوي هما ليه باعتين ليا حاجة زي كده دلوقتي وأنا ناجحة ومكسرة الدنيا، قولت هما بيعملوا معايا كده ليه؟

ـ قبل الحادثة اللي حصلتلي انعزلت عن الوسط لمدة 5 سنوات، وبعد الثورة ناس قالوا لي دوري على شغل تاني ليكي، وما اخدتش كلامهم بشكل شخصي، ومكنتش صدمة ليا لأني كنت عارفة إني مش ممثلة بس