طليق ريم طارق يُفجر مفاجأة: كانت تعبانة ومينفعش ليها زواج

كشف أحمد طليق ريم طارق زوجة حسن شاكوش، مفاجأة بشأن الخلافات التي حدثت بينهما، كما كشف حقيقة الصور المتداوله لهم.

تحيا مصر يرصد لكم تصريحات طليق ريم طارق

وقال أحمد في برنامج تفاصيل والتي تقدمه الإعلامية نهال طايل: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.

طليق زوجة حسن شاكوش: ريم لا يصلح ليها الزواج

وأوضح: أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.

وتابع: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.

طليق زوجة حسن شاكوش: عمري ما مديت إيدي عليها

وعن حقيقية قيامته بالتعدي عليها بالضرب أثناء زواجه لها، قال: أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت أشتكي لوالدها.

وعن سبب الطلاق الذي وقع بينهما، كشف: كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار.

طليق زوجة حسن شاكوش: اتفرض عليا الطلاق ومكنتش عايز اطلقها

وطالب طليق ريم طارق، طليقته وأهلها بالتنازل على القضايا التي أقاموها ضده رغم حصولهم على كافة حقوقها قبل الطلاق وقال: مرفوع عليا قضايا منقولات وإيصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة.

وأوضح: أهل ريم أخدوا كل حقوقهم قبل الطلاق رسميا، وحصلت على كل حقوقها ومش عارف ليه رافعة عليا قضايا، كمان شوهت صورتى قدام أهل مراتى الجديدة.

وكشف: أنا مكنتش عايز اطلقها وأهلها اللي أجبروها على كده، وجاتلي صدمه من 4 شهور لما عرفت بالقضايا اللي مرفوعة عليا، لأني كنت بحب ريم وبتعامل معاها كويس.