هند عاكف: فستاني في مهرجان القاهرة بيحمل رسالة فنية.. ولو مجاليش دعوة السنادي مش هروح

تحدثت الفنانة هند عاكف عن تصدرها التريند منذ عدة أشهر بسبب أزمتها في مهرجان القاهرة السينمائي، وذلك خلال لقاء لها مع كاميرا موقع تحيا مصر.

تحيا مصر يكشف موقف هند عاكف من حضور مهرجان القاهرة العام الحالي

وقالت هند عاكف في تصريحات خاصة لـ تحيا مصر: مفيش حاجة اسمها أنا بحب التريندات، التريندات دي أنا مباخدش منها حاجة، ولا فلوس ولا عائد، وأنا بقول أن التريند المحترم والتريند اللي ميضرش صاحبه أو ميأذيش حد ليه لا، ودا اللي كنت عايزة أثبتوا للناس ولبعض الزملا، أننا نعمل تريندات ولكنها تكون تريندات مفيدة.

أزمة هند عاكف في مهرجان القاهرة العام الماضي

وعن فستانها الذي أثار الجدل وقتها، قالت: ومن وجهة نظري، فستاني في مهرجان القاهرة اللي فات فستان شيك وبيحمل رسالة فنية وليه معنى، وأنا كنت حابة أني أقدم باقة ورد وتكريم على طريقتي لنجومنا الكبار الحاضرين والراحلين.

وتابعت: ممكن لو مهرجان خاص أو مهرجان برا مصر لازم تروح بدعوة، لكن مهرجان بلدي اللي أنا بروح فيه من التسعينات، ومش شرط الدعوة، أنا فنانة وأحمل عضوية المهن التمثيلية، وليا أعمال سينمائية ومسرحية وتلفزيونية.

حضور هند عاكف لدورة العام الحالي من مهرجان القاهرة

وأضافت: ومينفعش أدخل مهرجان بلدي وحد يمنعني، لكن أنا لو سافرت برا مصر لمهرجان آخر منغير دعوة لا مينفعش أروح.

كما كشفت هند عاكف عن موقفها من حضور مهرجان القاهرة العام الحالي، قائلة: وأنا أتمنى الدورة القادمة الدنيا تمشي أفضل من كدا، وأنا لو مجاليش دعوة أنا مش هروح، ولكن لو فيه زميل راح من غير دعوة أنا أتمنى من الإدارة تدي تعليمات لازم يدخل لأن دا مهرجان بلده.

منع هند عاكف من دخول المهرجان

وسبق وأن أثارت الفنانة هند عاكف الجدل على السجادة الحمراء بمهرجان القاهرة السينمائي الدولي بعدما حاول المنظمون منعها من الدخول بسبب عدم حملها لدعوة الحضور.

وارتدت هند عاكف فستان طبع عليه صور عدد من النجوم الراحلين، وحينما حاولوا منعها أثارت خلافا قائلة:" مينفعش حد يمنعني أدخل مهرجان بلدي".