حمادة هلال: مدفعتش جنيه في السوشيال ميديا عشان نجاح المداح وكنت خايف في المشهد الأخير مع لوسي

تحدث الفنان حمادة هلال عن كواليس مسلسل المداح الجزء الثالث، موضحًا أنه يعتبر أن المداح هو سوبير هيرو العرب، كما كشف أنه يريد أن يقدم أساطير عديدة من المداح.

تحيا مصر يرصد لكم تصريحات حمادة هلال

وقال حمادة هلال خلال لقائه في برنامج يحدث في مصر والذي يعرض عبر قناة أم بي سي مصر: إحنا كنا متوترين واحنا بنصور الجزء الثالث من المداح أكتر من الاجزاء التانية عشان نوصل للنجاح المطلوب.

وتابع: واحنا تعبنا أو ي أنا والمؤلفين والمخرج وكنا قاصدين نتعب عشان ربنا يكرمنا أكتر حتى إننا روحنا قنا وسانت كاترين ولبنان والفيوم وغيره عشان نطلع المشاهد مظبوطة.

حمادة هلال: أتمنى أعمل أساطير كتير من المداح

وتابع: "أتمنى أعمل أساطير كتير من المداح لأن قماشته واسعة والمداح دراما مختلفة في رمضان حتى وأنا في بدايتي كنت كده برضه بحب الاختلافات أما لقيت الناس بتعمل تشويق عملت دراما زي المال والبنون ولما لقيتهم بيعملوا اجتماعي روحت أنا للرعب والمداح بالنسبه لي يعتبر سوبر هيرو العرب".

حمادة هلال: كنت مرعوب من المشهد الأخير بيني أنا ولوسي

وكشف : "المشهد الأخير ده بيني أنا ولوسي كان في وادي حقيقي وانا شخصيًا كنت رايح مرعوب وجبل سانت كاترين كان متحدد في الورق وصورنا مشاهد كتير هناك وطلعنا على رجلنا لمدة ٥ ساعات وكان في ناس بتقع مننا من التعب واما طلعت نسيت التعب إلى فات لأن ده المكان إلى كان فيه سيدنا موسى ومكان روحاني جدًا".

وأضاف: "لو الورق وحش هتبقي بتعمل إلى عليك وخلاص مش هتبقي مصدق لكن لما تبقي الحكاية هي إلى شايلاك بتخلي الموضوع حقيقي وفيه دراما كتير فالمشاهد إلى بتحكمنا.

واستكمل: صابر مش ملاك وفي ناس كتير زيه لان باباه كان بيفتح بيه المندل فالولد عنده طاقات شيطانيه وهو فاكراها ملائكية واما جه بخرج من العالم بتاعهم خرج غلط وحصل صعوبات وخرج في الجزء الثالث برضه بطريقة غلط فاشتغلوا في موضوع ابننا جه. 

حمادة هلال: مدفعتش جنيه للسوشيال ميديا عشان نجاح المداح

وتابع: "أول يوم لما لقيت العالم كله منزل فيديو ابننا جه اتطمنت لما لقيت السوشيال ميديا ومدفعتش جنيه سوشيال ميديا، هو مش عيب إن حد يصرف على شغله بس مينفعش أصرف على حاجة زي دي زبطريقة باينة إني كده، لإني بحب أدي فرصة أفرح بنجاحي واقول إلى حصلنا ده بعد تعبنا في المغارات إلى كنا بنبات 7 أيام ونجاحنا لقيناه بعد أما كنا بنبات في الجبل، إحنا تعبنا فتعبنا مراحش عن الفاضي.