همارس مع مراتك قدامك.. إحالة المتهمين بخطف صاحب مزرعة الخيول للجنايات|فيديو

أمر المحامي العام الأول لنيابات جنوب الجيزة، بإحالة المتهم بخطف صاحب مزرعة عنوة وإجباره على توقيع إيصالات أمانه تحت تهديد السلاح إلى محكمة الجنايات المختصة.

لامس أجزاء حساسة من جسدها.. طبيبة تتهم شاب بالتحرش بها في القاهرة

استدرجها داخل المخزن.. عامل يحاول هتك عرض طفلة في القاهرة

إحالة المتهمين بخطف صاحب مزرعة خيول للجنايات

وتضمن أمر الاحالة الذي أعدته نيابة جنوب الجيزة، إتهام النيابة لكلا من ع ع 17 سنة - هارب، ع إ عامل - مخلي سبيله، لأنهما في يوم 11 يناير 2023، حال كون المتهم الأول طفلا بلغ الخامسة عشر من العمر ولم يبلغ الثامنة عشر، خطفا وأخرين مجهولين أحمد عبدالمنعم كرها عنه بأن اقتادوه عنوه بسيارة المتهم الأول مقصين اياه عن أعين ذويه على إثر خلافات مالية بينهم.

المجني عليه: خطفوني من مكان في الجيزة

وسرد أحمد عبدالمنعم المجني عليه لـ تحيا مصر تفاصيل الجريمة التي تعرض لها في الجيزة، وقال أنه بالغ من العمر 43 عاما ومالك إسطبل خيول في منطقة نزلة السمان في الهرم بمحافظة الجيزة، وتعرف على شاب بالغ من العمر 17 عاما، من خلال جيرانه في المنطقة وقام الأخير بشراء خيول وأحضرها له لمراعاتها بمقابل مادي.

وتابع ضحية الخطف في الجيزة، بعد فترة صغيرة تقريبا شهرين قعد فيهم عندي شوف تصرفاته العجيبة والمريبة، وطبعا أنا المكان عندي عائلي جدا ومكنش ينفع معايا الأساليب دي، قولتله أنت خيولك كترت هنا عندي خدها وشوفلك مكان وأمشي من هنا.

المجني عليه: تهديد وإجبار على إمضاء إيصالات أمانة

واضاف المجني عليه، طبعا عشان هو كان بيتنصب عليه لدرجة أنه كان جايبلي خيل ميجبش فلوس كان مشتريهم بـ 55 ألف جنيه، فجاب والده ووالدته وقعدوا وطلبوا إني أفضل معاه وأنهم مطمنين وأنا رفضت ده وطردته قدام أصحابه، وأتعملت قعدة في نزلة السمان وجبت شهود عليها إني مشيته.

وتابع أحمد، الشاب ده راح بعد كدة أجر مزرعة عند الطريق الدائري، ونقل الخيل بتاعه من عندي وأختفي شهرين وبعد الشهرين دول أتصل بيا وقالي ياعم أحمد أنا عايزك وعازمك على العشا وجالي الإسطبل بـ توك توك ومجاش بـ عربيته سألته عليها قالي هي بس بتتصلح وروحنا فعلا أتعشينا في فيصل في الجيزة وجيت ادفع مرضيش يخليني ادفع.

وأكمل بعدها قالي عايزك تيجي تشوف الخيل تعبانة عندي في المزرعة ولما روحنا لقيتها مقفولة قولتله فين المفاتيح قالي نسيتها في العربية تعالى نجيبها، يادوب وصلنا أخر الشارع وشوفت عربيته راكنة ونزل منها ناس وساعتها ضربني بالبونيه وخلع المفتاح بتاع العربية ورمى المفتاح من الشباك وبعدين ضربوني وأخدوا العربية الجيب بتاعتي وخطفوني في العربية، وبعدين تحت تهديد السلاح وكمية الألفاظ هددوني عشان أمضي دفتر إيصالات أمانة وقالولي لو ممضتش هنجيب بنتك 4 سنين ومراتك ونصورهم في أوضاع مخلة، ونعتدي عليهم وزي ما جيبناك هنجيبهم.

وقال المحامي عصام الطباخ محامي المجني عليه، أن القضاء المصري سيقف حجر عثرة في مواجهة البلطجة السائدة، وأنه سيطلب أمام المحكمة بتعويض مدني 50 مليون جنيه على سبيل التعويض النهائي، لكون المجني عليه مريض قلب.