نادية مصطفى توجه رسالة لمنتقدى شيرين عبد الوهاب بعد سقوطها على المسرح: كلنا بنقع ليه بتكبروا المواضيع

وجهت الفنانة نادية مصطفى رسالة إلى منتقدي الفنانة شيرين عبد الوهاب، وذلك بعد سقوطها على المسرح أثناء حفلها في دبي.

تحيا مصر يرصد لكم رسالة نادية مصطفى لنتقدي شيرين عبد الوهاب 

وكتبت نادية مصطفى عبر حسابها بموقع التواصل الاجتماعي فيسبوك: مرة ماشية فى الشارع  وبالنهار  وقبل سفرى بيوم لإحياء حفلة خارج مصر وقعت من حيث لا أدرى على وشى ودخلت المستشفى عملت الاسعافات الأوليه و فضلت علامات زرقا فى وشى  تقريباً أسبوع.

نادية مصطفى: لما بشوف حد وقع بسمي عليه وأحمد ربنا إنه لم يؤذى

وتابعت:ومره كعب  الشوز دخل  فى خشبة المسرح  وكنت هقع، ومرة  حد ماشى ورايا داس على ديل فستانى ووقعت فعلاً، وكتير بشوف ناس  فى الشارع ممكن يقعوا قدامى وساعتها بسمى عليه واحمد ربنا إنه لم يؤذى من وقعته.

وأضافت: ومرة المطرب محمد رشدى فى حفله وطنيه  وبسبب الإضاءة اللى على وجهه  ماشافش نهاية خشبة المسرح وكاد أن يقع.

نادية مصطفى: ياما عارضات أزياء  وقعوا وهما ماشيين بمنتهى  الألاطة 

واستكملت نادية مصطفى: كوكب الشرق وقعت على المسرح، إليسا وقعت على المسرح ، هيفاء وهبى وقعت فى الكواليس، وعارضات أزياء ياما وقعوا وهما ماشيين بمنتهى  الألاطة وقاموا بمنتهى الثبات، ومطربين أجانب كتير وقعوا على المسرح.

نادية مصطفى: ارحموا من في السماء يرحمكم من في الأرض

واسطردت: افتحوا اليوتيوب هتشوفوا ڤيديوهات من هذا النوع ومصنفه على إنها ڤيديوهات بتضحك، وربنا يكفينا جميعاً شر الوقعة، وعادى ياجماعة  حوادث عادية جداً  ليه بنكبر المواضيع كلنا بنقع واللى بيقع قدامنا بنسمى عليه ونقوله حمدا لله على السلامة مش نقوله أحسن.. إرحم تُرْحم.. إرحموا من فى الأرض يرحمكم من فى السماء.

سقوط شيرين عد الوهاب على المسرح

وكانت شيرين عبد الوهاب قد سقطت من مسرح حفلها في دبي، ما أدى إلى تورم قدمها، وأعلنت شيرين عبد الوهاب خلال حفلها عن مقاضاة منظمي الحفل، موجهة لهم رسالة صارمة، قالت فيها: “هرفع قضية عشان اللي بيحصل مع الفنان ده حرام وقلة ذوق.. بعدين أنا ليا تصرف تاني.. شيرين رجعت تاني، هطلب تعويض كبير، يلا خلينا نأمن مستقبل العيال، عادي ما يقع إلا الشاطر، بجد حاجة صعبة.. ودلوقتي بكرة على السوشيال ميديا هيسيبوا كل حاجة وشوفوا شيرين وقعت