أول تعليق من جليلة بعد انفصال تامر حسني وبسمة بوسيل: مش ذنبي أن زواجهم فشل

خرجت البلوجر جليلة عن صمتها وعلقت على انفصال تامر حسني وبسمة بوسيل، خاصةً بعد اتهامات بعض الجمهور لها أنها السبب في انفصالهم.

تحيا مصر يرصد لكم أول تعليق من جليلة بعد انفصال تامر حسني وبسمة بوسيل 

وقالت جليلة في ستوري نشرتها عبر حسابها بموقع تبادل الصور والفيديوهات انستجرام، إنها ليست السبب في انفصال تامر حسني وبسمة بوسيل كما أدعى البعض،موضحة: يا جماعة اللي مدخلين اسمي في الموضوع بتاع تامر حسني أنا بحترمه على الصعيد الشخصي والفني والانساني وده قسمة ونصيب وأنا مليش علاقة بالموضوع لا من قريب ولا من بعيد.

جليلة: أنا كنت نايمة وصحيت قريت الخبر زي أي حد 

وتابعت: أنا كنت نايمة وصحيت قريت الخبر ومليش علاقة بالموضوع وإذا زواجهم فشل ده مش ذنبي وأنا بتمنالك كل التوفيق والاحترام والتقدير وبعزه وربنا يوفقه وربنا مش بيجيب إلا خير.

واستكملت جليلة:  حبت أوضح إني مليش علاقة بالموضوع وأنا مش سبب من أسباب الطلاق ومش عايزة اعيد ولا ازيد وطلعوني من الموضوع ومليش أي علاقة وربنا يوفقه ويوفق الجميع.

وأضافت: البعض بينزلوا صور فوتوشوب ليا وأنا لما بطلع بغني في العربية بتاعتي بيقولوا إني شمتانة وده عيب لإني إنسانة وبحس وبشوف التعليقات.

جليلة: الناس قالت إني شمتانة وإني خرابة بيوت وأنا مليش علاقة 

واسطردت: بزعل ولما بلاقي حد يقولي انتي السبب يا خرابة البيوت وأنا مليش اي علاقة وحسبي الله ونعم الوكيل وبالنسبة للي بيتكلموا في عرضي وشرفي وبيشتموني حسبي الله ونعم الوكيل في كل واحد اتكلم وشتمني وانتوا خصومي أمام ربنا.

جليلة: بشوف حاجات عني أول مرة اشوفها

واستكملت: في ناس بتحلل لغة جسدي وبيقولوا اني فرحانة وشمتانة انتوا مش عندكوا شغلانة غير جليلة ومش عندكم حياة غيري وبشوف حاجات عني أول مرة اشوفها.

جليلة: أنا اسمي كبير واجيب تريند بس مش للدرجة دي

واختتمت جليلة حديثها: صح أنا اسمي كبير واجيب تريند ومشاهدات بالملايين بس مش للدرجة دي، والله يوفق الجميع وتامر انسان احترمه وربنا الخير لا يأتي إلا بالخير.