"بعد اتهامه بشراء موسيقى الأغاني".. ويجز يرد على عمرو مصطفى

رد مطرب الراب ويجز على اتهامات عمرو مصطفى له بشراء موسيقى الأغاني من النت بمقابل مادي وعدم الاعتماد على موزع مويبقي في أعماله.

تحيا مصر يرصد لكم رد ويجز على عمرو مصطفى 

وكتب ويجز عبر حسابه بموقع انستجرام: أحب أشكر كل الرجالة اللي تعاونوا معايا في أغاني الحقبة، كما أشار إلى جميع الموزعين الذي عمل معهم.

اتهام عمرو مصطفى لويجز

وكان عمرو مصطفى قد اتهم ويجز وجميع مطربي الراب بقيامهم بشراء موسيقى الأغاني بمقابل مادي وقال: لموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع.

وتابع عمرو مصطفى: "على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".

الموزع مولوتوف يرد على اتهامات عمرو مصطفى 

وتصريحات عمرو مصطفى جعلت الموزع مولوتوف قام بالرد على اتهامات عمرو مصطفى، لأنه قام بتوزيع عدد من الأغاني الشهيرة لويجز ومنها دورك جي، وعدد آخر من الأغاني.

وكتب الموزع مولوتوف في ستوري عبر حسابه بموقع تبادل الصور والفيديوهات انستجرام: مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها.

مولوتوف لعمرو مصطفى: تحرى الدقة قبل نشر أي معلومات

وأضاف مولوتوف: الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية.

واختتم الموزع مولوتوف حديثه برسالة لعمرو مصطفى وقال: في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا.