الموزع مولوتوف يرد على اتهامات عمرو مصطفى لـ ويجز بشراء الأغاني: تتحرى الدقة قبل نشر أي معلومات

حرص الموزع مولوتوف على الرد على اتهامات عمرو مصطفى لمطرب الراب ويجز بشرائه موسيقى الأغاني، وعدم الاعتماد على الموزعين.

تحيا مصر يرصد لكم رد مولوتوف على اتهامات عمرو مصطفى لويجز بشراء الأغاني

وكتب مولوتوف في ستوري عبر حسابه بموقع تبادل الصور والفيديوهات انستجرام: مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها.

مولوتوف لعمرو مصطفى: تحرى الدقة قبل نشر أي معلومات

وأضاف مولوتوف: الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية، في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا.

تصريحات عمرو مصطفى

وكان قد تحدث المطرب والملحن عمرو مصطفى عن مطرب الراب ويجز، موضحًا أن الموسيقى اختلفت عن الماضي، وأصبح المطربين يقوموا بشراء الأغاني من على النت وعدم الاعتماد على الموزع، موضحًا أن دور الموزع تم إلغائه.

وقال عمرو مصطفى خلال مداخلته الهاتفية لبرنامج "أجمد 7" مع الإعلامية جيهان عبد الله: الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع.

عمرو مصطفى: ويجز بيشتري موسيقى جاهزة من على النت بـ 100 دولار

وتابع عمرو مصطفى: "على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".

وكشف عمرو مصطفى أن ألبومه الأخير "مالوش زي" لم يتم بنفس طريقة الجيل الجديد، حيث قال "الالبوم دة آخر حاجة handmade (صنعت يدويًا)".