مها أحمد تدعم شيرين عبد الوهاب بعد سقوطها على المسرح: بحبك رغم أنف متنمرين السوشيال ميديا

حرصت الفنانة مها أحمد على دعم الفنانة شيرين عبد الوهاب، وذلك عبد سقوطها على المسرح أمس في حفلها الذي أقيم في دبي.

تحيا مصر يرصد لكم دعم مها أحمد لـ شيرين عبد الوهاب 

ونشرت مها أحمد صورة للفنانة أم كلثوم أثناء سقوطها على المسرح وكتبت عبر حسابها بموقع تبادل الصور والفيديوهات انستجرام: ما يقع إلا الشاطر، كم من المطربين والفنانين ممكن يتكعبلوا ويقعوا على المسرح ومشاهير كتير جدا.

مها أحمد: ارحموا نفسكوا يامتنمرين

وتابعت: ارجوكم ارحموا البشر طبطبوا على بعض مش شرط على المشاهير بس كفايه تنمر، الخلاصة ارحموا نفسكوا يامتنمرين واتقوا الله واستخدموا الحديدة اللى في إيديكم صح.

وأضافت: شيرين عبد الوهاب نجمة النجوم وكاريزما وخفة دم وكفايه إنها حنجرة مصرية مُشرفه لبلادها.. بحبك يا شيرين وكل العالم بيحبك رغم أنف متنمرين السوشيال ميديا.

واستكملت مها أحمد: رحمتك يارب نفسى أسال سؤال لو كانت طلبت دكتور وبوظت الحفلة وضيعت فرحة الناس وعكننت عليهم وده حقها لإنها نجمة النجوم كنتوا هتتنمروا وتقولوا عليها ايه؟ الست القمر تداركت الموقف وهزرت ومتعت الناس لها الله.

الحالة الصحية لـ شيرين عبد الوهاب

وكانت شيرين عبد الوهاب قد سقطت على المسرح في حفلها أمس، ما أدى إلى تورم قدمها، ولكن لم يصابها أي شيء خطر كما يعتقد البعض، وذهابها إلى المستشفى لم يكن سوى للإطمئنان على نفسها تجنبًا لحدوث مضاعفات.

شيرين عبد الوهاب تعلن مقاضاة منظمي حفلها

وأعلنت شيرين عبد الوهاب خلال حفلها الغنائي في دبي عن مقاضاة منظمي الحفل، موجهة لهم رسالة صارمة، قالت فيها: “هرفع قضية عشان اللي بيحصل مع الفنان ده حرام وقلة ذوق.

وأضافت: وبعدين أنا ليا تصرف تاني.. شيرين رجعت تاني، هطلب تعويض كبير، يلا خلينا نأمن مستقبل العيال، عادي ما يقع إلا الشاطر، بجد حاجة صعبة.

واستكملت: ودلوقتي بكرة على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا، شوفوا والله.. بجد شوفوا كل فنان حصل معاه موقف زي ده بسبب السماعات ديه المفروض تتدفن في المسرح عشان المطرب ميقعش.. ولكن للاسف المنظمين عمرهم ما بيتعلموا.