بعد تصريحات رضوى الشربيني الأخيرة.. ياسمين عز ترد: يا أم كرامة بلاستيك اطرفها مطاط

ردت الإعلامية ياسمين عز على تصريحات رضوى الشربيني، وذلك بعد أن تم نسب تصريحات لياسمين لها، ونفت رضوى هذه التصريحات.

تحيا مصر يرصد لكم هجوم ياسمين عز على رضوى الشربيني

ياسمين عز لـ رضوى الشربيني: كرامة ايه يا أم كرامة بلاستيك اطرافها مطاط 

وكتبت ياسمين عز عبر حسابها بموقع التواصل الاجتماعي فيسبوك:  ويحك يا دعسوقة.. كرامة إيه يا أم كرامة بلاستيك اطرافها مطاط، تمط وتنكمش حسب المصلحة والظروف المحيطة.

وتابعت: مدام بليز كرامتك وقعت منك اخر مرة هناك، ابعتي عبد مظلوم من عندك يجيبها قبل ما تسيح فالشمس،
واحكيلنا بالمرة قواعد بيات المراة الأربعون برة بيت الزوج من غير اذنه.

ياسئمين عز لـ رضوى الشربيني: شطبتي محتوى وبقيتي مملة، حتى في تلقيحك مملة زيرو 

وأضافت: سلينا كدة في الإجازة لإنك شطبتي محتوى  وبقيتي مملة، حتى في تلقيحك مملة زيرو محتوي زيرو أنوثة، بس الأمانة استرجال ليڤل الوحش.

واستطردت: ده أنا مش بس أدوس ععلى الفساتين الماركات  دة أنا ادوس على اي حد علشان خاطر الفرعون الصغير الكبير بعمل دة فالحياة العادية وبقوله في العلن.

واستكملت: انما بقي لما يكون في خرابة بيوت بتبوس الجذم فالسر وتعمل فيلم مظلوم وتطلع في العلن تحكيلنا مأساة المرأة الاغريقية.

ياسمين عز لـ رضوى الشربيني: روحي اتعالجي يا مدام عشان في شياط وغيرة مني

وكشفت: كدة انتي محتاجة علاج يا مدام روحي اتعالجي يا مدام  في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء.

ياسمين عز لـ رضوى الشربيني: بلاش أسطوانة المرأة الحديدية دي

واسطردت: وبلاش نشغل أسطوانة المراة الحديدية علشان  المرأة  نفسها لو عرفت انتي إيه هيجيلها صدمة دماغية حضارية .

واختتمت ياسمين عز: بقولك يا كابتن جربي حطي اسمي تاني في تلميحات أو تلقيحات علشان هنتفرج كلنا وقتها أنا هدوس على ايه تاني غير الماركات، واهو بالمرة نحكي الحكايات، ونسلي الناس في الإجازات.

وكانت قد علقت الإعلامية رضوى الشربيني على نسب واحد من أشهر تصريحات مقدمة البرامج ياسمين عز لها، وذلك في برنامجها الشهير كلام الناس، وأعادت رضوى الشربيني نشر صورة لأحد الحسابات على موقع التدوينات القصيرة تويتر إدعى أنها قالت: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها"، وهذا أحد تصريحات ياسمين عز المثيرة للجدل الشهيرة، وكتبت: "وانا اقول الكلام ده ليه…انا ست عندها كرامه…كلام العبيد ده مش بتاعي".