عمرو مصطفى: ويجز بيشتري موسيقى جاهزة من على النت بـ 100 دولار

تحدث المطرب والملحن عمرو مصطفى عن مطرب الراب ويجز، موضحًا أن الموسيقى اختلفت عن الماضي، وأصبح المطربين يقوموا بشراء الموسيقى.

تحيا مصر يرصد لكم تصريحات عمرو مصطفى 

وقال عمرو مصطفى خلال مداخلته الهاتفية لبرنامج "أجمد 7" مع الإعلامية جيهان عبد الله: الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي.

وتابع: والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع.

عمرو مصطفى: ويجز بيشتري موسيقى من على النت

وأضاف عمرو: "على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".

وكشف  عمرو مصطفى أن ألبومه الأخير "مالوش زي" لم يتم بنفس طريقة الجيل الجديد، حيث قال "الالبوم دة آخر حاجة handmade (صنعت يدويًا)".

تفاصيل ألبوم مالوش زي

وكان قد تحدث الفنان عمرو مصطفى عن تفاصيل ألبومه الجديد، الذي يحمل اسم "مالوش زي"، وتم طرحه في عيد الفطر الماضي، وقال: الأغاني الجديدة كانت متبقية من الألبوم اللي فات، وقررت يوم وقفة عيد الفطر طرحها، لأن الناس محتاجة جرعات أغاني جديدة.

وتابع: وأنا حاليًا شغال على ألبومي الجديد واللي هيطرح خلال فصل الصيف الجاي.تابع مصطفى: مالوش زي تركيبة موسيقية مختلفة، وأنا حبيت أعيد على الناس والجمهور كان واحشني، كمان لحنت أغاني مسلسل جت سليمة للفنانة دنيا سمير غانم اللي اتعرض في شهر رمضان، وكلها كانت تريند.

واستكمل: من الآخر عمرو مصطفى مالوش زي عشان يكون ألبومي اسم على مسمى، أنا الفترة الجاية هغني بس وعايز الناس تنسى عمرو مصطفى بتاع الخناقات.

ألبوم مالوش زي

وفي سياق متصل، كان قد طرح الفنان عمرو مصطفى ميني ألبوم جديد وجاء باسم "مالوش زي" الجمعة الماضية عبر مختلف منصات الاستماع في الوطن العربي، وذلك بالتزامن مع أولى أيام عيد الفطر المبارك، وحقق الألبوم نجاحًا كبيرًا منذ طرحه على اليوتيوب.