راندا البحيري توجه رسالة لتامر حسني بعد خبر انفصاله: اتمنالك الخير يا تيمو في حياتك

حرصت الفنانة راندا البحيري على توجيه رسالة إلى الفنان  تامر حسني، وذلك بعد إعلان انفصاله عن زوجته المغربية بسمة بوسيل.

تحيا مصر يرصد لكم رسالة راندا البحيري إلى تامر حسني 

ونشرت راندا مقطع فيديو يجمعها بتامر عبر حسابها بموقع التواصل الاجتماعي فيسبوك وعلقت: خبر طلاق النجم تامر حسني أزعجني لأني بتمناله دايماً الخير في حياته.

وتابعت: تامر من أرقي و أجدع الناس اللي ممكن تعرفهم في حياتك كلها و عمري في حياتي ما شوفت زيه و لا هشوف .. الرجل ده قسماً بالله العظيم بيعمل خير و بيقف جنب كمية بشر و بيعمل مواقف لا تُنسي أبداً.

راندا البحيري لتامر حسني: بتمنالك الخير في اللي جاي

واستكملت: أتمني لك الخير كله يا تيمو في حياتك و لو ده في صالح ليك يبقي ربنا يسترها معاك و ييسرلك حياتك و يوفقك في اللي جاي كله يا صديقي يا اخويا يا نجم يا كبير.

كما روت موقف جمعهما في الفيديو وقالت:  اللي هيسألني ايه علاقة الفيديو .. لقيت الفيديو ده من شوية سبحان الله من جدعنته كنت بدور علي الستديچ علشان أقول كلمة ل حسن شاكوش في فرحة و كان قدامي حوالي ١٠٠ شخص راح تامر هو اللي جابلي المايك بنفسه و حاول يشغله و فضل واقف علشان يطمن اني تمام مع ان الدنيا كانت زحمة.

راندا البحيري لتامر حسني: بحبك يا تيمو

وتابعت: و اي حد مكانه كان مشي علشان ميتعبش اكتر من كده خصوصاً انه كان لسه مخلص غنا و أكيد كان مُرهق من الفقرة..  بحبك يا تيمو اوي اقسم بالله و ربنا يخليك لينا وللفن المصري و لجمهورك ونفسي اشوف فيلمك.

انفصال تامر حسني وبسمة بوسيل

وكانت قدأعلنت بسمة بوسيل انفصالها عن تامر حسني بشكل مفاجئ وكتبت عبر حسابها بموقع تبادل الصور والفيديوهات انستجرام: وجلعنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بيننا كل ود واحترام وربنا يكتبلك ويكتبلي كل الحير.. أمين يارب.