يسرا عن مسلسل 1000 حمدالله ع السلامة: كنت عايزة أرسم البسمة على وشوش الناس وأغير جلدي

تحدثت الفنانة يسرا عن كواليس مسلسل 1000 حمدالله على السلامة، والذي حقق نجاحًا كبيرًا بعد عرضه في السباق الرمضاني المنقضي.

تحيا مصر يرصد لكم تصريحات يسرا

وقالت يسرا في مداخلة هاتفية في برنامج «الحياة اليوم» المذاع على قناة «الحياة»:  أنا مكنتش عايزة أعمل أي حاجة غير إني أرسم البسمة على وشوش الناس، وده اللي أنا قُلته لأستاذ جمال العدل، حبيت أعمل حالة حلوة للناس كلنا محتاجين ضحك وفرفشة، وأنا كنت محتاجة أعمل ده عشان أغيّر من جلدي.

يسرا: كنت عايزة أغير من جلدي وحققنا 100 مليون مشاهدة على تيك توك

وأضافت: أنا حقي كفنانة وممثلة إني أغير من جلدي ومقعدش في قالب واحد وأنجح في أي توب ألبسه، ده في حد ذاته تحدي كبير جدًا ليا، إحنا جبنا 100 مليون على التيك توك وعمري ما تخيلت ده في حياتي، وإننا نوصل لرقم قياسي زي ده عمرها ما حصلت، وقدرت أوصل لكل الناس.

يسرا: عنبة عنده قبول غير عادي ويدخل القلب

أما عن النجوم الشباب في أعمالها الفنية وبالأخص مسلسل 1000 حمدالله على السلامة، فعلقت يسرا قائلة: أنا فرحانة بيهم جدًا الشباب موهوب جدًا، وأنا مكنتش أعرف عنبة قبل ما نشتغل ولكن أنا فرحانة بيه جدًا وعنده قبول غير عادي ويدخل القلب.

وتابعت: آدم الشرقاوي أنا بعشقه من وقت مسلسل لعبة نيوتن وكنت هتجنن عايزاه معايا في مسلسلي، ومايان السيد موهوبة جدًا وبتمسك الشخصية صح، وأحمد عبد الوهاب ده من ورا العقل وعنده حضور غير عادي.

واستكملت: أتذكر إن عمري ما بطلت أدفع بالنجوم الشباب من يوم ما بدأت، بداية من مسلسل أين قلبي قدمت منة شلبي ومي عز الدين، ومسلسل ملك روحي قدمت أحمد عز، وطبيعة المهنة أجيال بتشيل أجيال، وحقهم عليا إني أديهم فرصة يستحقوها.

مسلسل 1000 حمدالله ع السلامة

مسلسل 1000 حمدالله ع السلامة عرض ضمن مسلسلات رمضان 2023 وهو من بطولة يسرا ومحمد ثروت وشيماء سيف ومايان السيد وأدم الشرقاوي وأوتاكا وضيف شرف بيومي فؤاد وعنبة وتأليف محمد ذو الفقار وإخراج عمرو صلاح.