زوجها شك في عذريتها.. عروس كفر الشيخ: الدكتور قالي إنتي مارستي عشرين مرة وأنا هفضحك|فيديو

عروس كفر الشيخ.. إيمان التي تعرضت إلى مأساة على يد زوجها وأهله في مركز دسوق، حيث شكك زوجها في عذريتها بعد إسبوع من زواجها.

رعب في مصرف البحيرة.. جثتين لـ رجل وسيدة بهما طلقات نارية

ضحك على أهلها.. شخص يقتل زوجته ويلقي جثتها بالشارع في القاهرة

التفاصيل الكاملة لـ واقعة عذرية عروسة كفر الشيخ

وقالت إيمان عروس كفر الشيخ لـ تحيا مصر، أنا إتججوزت عادي زي أي بنت، ويوم الدخلة جوزي حاول معايا أكثر من مرة، ولقيته مقلق وقولتله في أيه لو مقلق نروح نكشف، بس بشرط وديني لدكتورة مش دكتور عشان هتكسف أتكشف على دكتور.

عروسة دسوق: جوزي حاول أكثر من مرة 

وتابعت إيمان عروس كفر الشيخ «يوم الصباحية لقيت أمي وأبويا وصلوا ولقيت حماتي بتقولهم عايزينكم في حاجة مهمة، وقالتلها يا أم إيمان عايزين نطمن محمد حاول كذا مرة مع إيمان ومحصلش حاجة، وسألوني قولتلهم إطمنوا أنا قولت لمحمد نروح لدكتورة بس مش دكتور عشان هتكسف».

عروس كفر الشيخ: حماتي قالت لأهلي في الصباحية

وأضافت عروس دسوق في حديثها «تالت يوم بعد الجواز روحت معاهم عشان أكشف، ولقيتهم موديني عند دكتور مش دكتورة قولتله يامحمد مش قولتلك هتكسف وبعدين قولت طالما أنا واثقة من نفسي خلاص، ودخلت أكشف لقيت الدكتور لبس جوانتي وبص عليا بس من غير أي حاجة».

وإستكملت عروسة دسوق قائلة «بعدها خرج أمي وحماتي بره الأوضة ولقيته بيقولي إنتي كنتي مخطوبة قبل كدة قولتله وده إيه علاقته، قالي ردي بس قولتله اه لمدة سنة قالي إنتي مش عذراء وفي حد إعتدى عليكي ومارس معاكي بدل المرة الواحدة 20 مرة، صارحيني وأنا لسه متستر على بنت أول إمبارح وهتستر عليكي قولتله أصارحك بأيه أصارحك بحاجة معملتهاش، قالي هضحك قدام أهل جوزك وأهلك وخرجت أنا وهو دخل ماما وبابا يقولهم».

والد عروس كفر الشيخ: بنتي عندها غشاء مطاط

 وقال والد إيمان عروس كفر الشيخ، بعد كدة روحت لدكتور تاني وقال أن بتي عندها غشاء مطاط وأن مفيش حاجة من كلامهم صح، وساعتها والدة العريس قالت سواء بنت أو مش بنت مش هتدخل البيت تاني.

وأكمل والد عروس دسوق، بنتي راحت تاخد حاجتها ملقتش حاجة وكل حاجة أخدوها، وعملوا جلسة عرفية وكل الناس غلطوهم وقالولهم ردوا حقها وفضلنا 7 شهور حاطط وشي في الأرض.

وقررت إيمان عروس كفر الشيخ العودة إلى منزل أسرتها، وقامت أسرتها بإقامة حفل وزفة عشان يردوا إليها حقوقها في وسط المنطقة، وحتى يعلم الجميع أنها بنت وعذراء.