أحمد فهمي عن تعرضه للحملات الالكترونية: فنان شهير اللي عملها عشان رفضت أشاركه في مشروع

كشف الفنان أحمد فهمي عن سبب تعرض مسلسل “رجالة البيت” لحملات الكترونية لاسقاطه، مشيرا إلى أن السبب في ذلك هو فنان شهير رفض المشاركة معه في عمل فني بسبب عدم حبه لطريقة تمثيله.

تحيا مصر يرصد في ذلك التقرير تصريحات أحمد فهمي

أحمد فهمي والحملات الإلكترونية

وأوضح أحمد فهمي خلال حديثه: ونا عارفين اسمين ورا الحملة لكن أكرم عرف اسم ثالث، وكنت مستغرب لإنه صاحب أكرم ومفيش مشاكل بيني وبينه، وهو بيعمل كدة مع ناس كتير مش أنا بس.

وتابع حديثه عن الحملات الالكترونية: “مش كل الناس عندها ذوق يعني فيه ناس ممكن تتفرج على فيديو ومش عارف يقول حلو ولا لا فبيكون مستني حد يقوله وبيكونوا محتاجين شرارة فبتطلع تريند”.

أحمد فهمي: عندي تيم سوشيال ميديا بس عمري ما هزايد على حد

وأضاف أحمد فهمي: “أنا عندي تيم سوشيال ميديا بس عمري ما هعمل حملة على حد ولا أزايد إني مسلسلي مكسر الدنيا، السوشيال ميديا حولت كل حاجة لحاجة مش ملموسة وفيك جدا وكلها تدليس، ما تقول انك حلو بس مش رقم واحد والحياة مبقاش ليها طعم زي الأول كان كل حاجة ليها قيمة”.

واختتم حديثه، قائلا: "بهتم بحكم الجمهور لأنه في الأخر هو اللي بيشتريلك البيت، لازم نفرق بين جمهور السوشيال ميديا والجمهور الحقيقي  لازم تعمل حاجة مبتذلة وطالما عامل اللي عليك بتنام مرتاح".

أحمد فهمي ينتظر عرض مسلسل السفاح

من ناحية أخرى، ينتظر أحمد فهمي عرض مسلسل “السفاح”، والذي يعد أول تجربة إنتاج لشركة ThePlanet Studios لـ طارق نصر، والعمل من كتابة المؤلف محمد صلاح العزب، وأول تجربة لورشة الكتابة إنجي أبو السعود - عماد مطر، ويتولى إخراج المسلسل المخرج هادي الباجوري.

واستغرق  كتابة مسلسل سفاح الجيزة  الذي يقدم بطولته الفنان أحمد فهمي حوالي عامين ونصف، ومسلسل سفاح الجيزة يشارك في بطولته عدد من نجوم الفن ومنهم: أحمد فهمي، باسم سمرة وركين سعد وحنان يوسف.