محمد رمضان يعلن تعاونه مع "فيوتشر" أغلى رابر في العالم

كشف الفنان محمد رمضان عن تعاونه مع أغلى رابر في العالم، وهو النجم العالمي “فيوتشر"، وذلك في أغنيته الجديدة التي من المقرر أن يطلقها خلال الأيام القليلة المقبلة.

تحيا مصر يرصد في ذلك التقرير تفاصيل تعاون محمد رمضان مع فيوتشر

محمد رمضان يتعاون مع فيوتشر

وقال محمد رمضان خلال لقائه ببرنامج “صاحبة السعادة"، الذب تقدمه الإعلامية إسعاد يونس على شاشة قناة dmc: “مع أغلى مغني في العالم، أغلى رابر في العالم اسمه فيوتشر، ودي أول أغنية هيعملها مع مطرب عربي، وهو شايف أن محمد رمضان مكسب في الشرق الأوسط وانا شايفه مكسب في العالم كله”.

وأكدة: “وأنا لا دافع له حاجة ولا هو دافع لى حاجة”.

محمد رمضان: أغنياتي ملهاش مسمى

كشف محمد رمضان عن طبيعة أغنياته وإلى أي نوع تنتمي، فقال: "أغنياتى أنا شايفها مخلوق جديد ما لهوش مسمى، لأنه ولا هو مهرجان ولا راب ولا تراب، ويمكن بعد 50 سنة يكون نوع الأغانى ده باسمى ويبقى اسمه رمضان”.

وتابع حديثه كاشفًا عن بداية دخوله مجال الغناء: "البداية لما عملت إعلان كان فيه أغنية، الأغنية تخطت حدود الإعلان وبقت تشتغل في الأفراح والشواطئ، وأبقى شخص مش ذكى لو شوفت حاجة عجبت الجمهور وما أكملش تقديمها وأطورها وأعملها، فعملت أغنية بقى بتاعة "نمبر وان" وكانت ريسك لأنى لو ما نجحتش يبقى هخسر الممثل والمغنى".

محمد رمضان ودخوله عالم الغناء

وواصل محمد رمضان حديثه قائلا: "من البداية قررت أختار نوع مزيكا يتلائم مع طبقة صوتى وكلام يناسبنى، ولقيت أقرب نوع كان برازيلى وعادل حقى سمعتهوله وقال لى تحفة مع صوتك، واخترت نوع أغانى أغنى للذات والنفس، وبعد كده قدمت أغانى مختلفة".

واستكمل: المغني محتاج شجاعه أكتر من الممثل لأنه بيقابل جمهور كبير، وببقى جوة عرض ساعتين جوة الكارتكر بتاع الأغنية نفسها.