أحمد داش عن أبوتريكة: أفضل لاعب في تاريخ مصر.. وأحسن من صلاح

أكد الممثل أحمد داش، أن محمد أبو تريكة نجم النادي الأهلي السابق، هو أفضل لاعب في تاريخ مصر وكان من الممكن أن ينتقل ويلعب في نادي مانشستر يونايتد، مضيفًا أن حبه للأهلي منعه من الاحتراف وتمثيل مصر في أوروبا. 

أحمد داش يشيد بمحمد أبو تريكة لاعب الأهلي السابق 

وقال أحمد داش في فيديو قديم متداول على مواقع التواصل الاجتماعي: «مشكلة أبو تريكة مش عقليتة، أبو تريكة مشكلتة في أرائه الشخصية وحبه للأهلي، تريكة أحسن لاعب في تاريخ مصر ، أنا بشوف ان تريكة كان ممكن يطلع من الأهلي علي مانشستر يونايتد، تريكة بالنسبالي كان هيبقي في مستوي زيدان في أوروبا». 

وأضاف داش: «من وجهة نظري أبو تريكة أحسن لاعب في تاريخ مصر.. وكان ممكن يطلع من الأهلي على مانشستر يونايتد في إنجلترا عادي». 

تحيا مصر يرصد تفاصيل تصريحات أحمد داش عن جعفر العمدة

كشف الفنان الشاب أحمد داش عن تفاصيل كواليس مسلسل جعفر العمدة، مع النجم محمد رمضان، والمخرج محمد سامي، وذلك في حوار له مذاع على الصفحة الرسمية لشركة ميديا هب - سعدي جوهر عبر فيسبوك.

حيث قال داش: اشتغلت مع محمد سامي 3 مرات، الكواليس جميلة، يعني الحمد لله، المسلسلات مع سامي بتبقى ناجحة، وهو مخرج تجاريًا ناجح بشكل كبير، وبيعرف يوصل للناس، وبيديهم الحاجات اللي عايزين يشوفوها وهما قاعدين في بيوتهم، وبيعرف ينجح مع الشارع بشكل كبير.

وعن محمد رمضان قال: الكواليس مع أي ممثل جامد بتبقى حلوة، والشغل بيطلع جامد، وهو ممثل جامد وبيسمع اللي قدامه، وبيتفاعل على اللي بيشوفه، والشغل معاه ممتع دايما.

كما أكد داش على أنه غير متفاعل على السوشيال ميديا، وقال: أنا مش نشيط خالص على السوشيال ميديا، والناس اللي شغالين معايا بيتخانقوا معايا، وأنا مش بنزل حاجات كتير ومش بروج لنفسي.

أحمد بدير: لو شوفت أبو تريكة مش هسلم عليه 

وكشف أحمد بدير أنه إذا إلقتى باللاعب محمد أبو تريكة فلن ييسلم عليه وأوضح:  لو شوفت أبو تريكة مش هسلم عليه لأن اللي مش بيحب تراب مصر مش بحبه حتى لو أخويا.

وأضاف: أنا أهلاوي وكنت بحبه جدًا كلاعب وكنت بقابله بس بعد الأحداث الاخيرة واللي اتقال عليه خلاني كده.

كما تحدث بدير عن هجوم الإعلامية مي العيدان عليه ووجه لها رسالة وقال: مش عايز من مي العيدان حاجة خليها تسكت شوية بس وأنا مسامحها.

وكشف أحمد بدير أن المخرجين يتم فرض عليهم بعض الاشياء خلال الفترة الاخيرة، موضحًا:  مش كل المخرجين الأدوار بتترفض عليهم ومش كلهم بيوافقوا، وزمان كان المخرج عايزني في دور ممكن حد يقوله مسافر أو عيان يرد يقوله أنا مستنياه والمخرج كان بيصمم على الممثل وبيشوف أنه أصلح واحد يعمل الدور ولا يمكن يتنازل ودلوقتي صعب شوية حد يعمل كده.