محمد سامي: مي عمر مش بتغير عليا في كل حاجة وأكتر حاجة جذبتني فيها حيائها وجمالها

تحدث المخرج محمد سامي عن زوجته الفنانة مي عمر وعن الأشياء التي جذبته فيها، كما كشف بعض الأسرار في حياته.

تحيا مصر يرصد لكم تصريحات محمد سامي عن زوجته

وقال محمد سامي في تصريحات تليفزيونية: أول حاجة لفت نظري في مي هو جمالها، وعندها حياء، ومش عندها طباع معينة وحشة فيستات، زي إنها مش حشرية.

محمد سامي: مي مش بتغير عليا في كل حاجة 

وأضاف: مي مش بتغير على كل حاجة، بتغير طبعا بس من غير ما تهزق نفسها وتزعل كل شوية، وبتعزز قيمة زعلها وكلمتها. 

محمد سامي: آخر عملين اتحايلت على مي تشتغل معايا 

وتابع: هي عارفة إن كل الفنانات اللي بصور معاهم هما إخواتي وصحابي، وآخر عملين بينا هي اشتغلتهم بعد ما اتحايلت عليها، عشان بتشوف إن إيه لازمتها نشتغل مع بعض مدام الناس بتتكلم علينا.

محمد سامي: بناتي معلمني الأدب وشخصيتي ضعيفة معاهم

وفي اللقاء ذاته، تحدث محمد سامي عن أبنائه وقال: بناتي الاتنين معلمني الأدب، وأكاد أكون أكتر أب شخصيته ضعيفة أمام ولاده، وحشري جدا في حياتهم عشان حابب أكون ملم بكل تفاصيلهم، وبنزل أشتري معاهم اللبس وأشوف مذاكرتهم.

وكشف محمد سامي أن أبنته الكبيرة تشبهه في كل شيء ، إما ابنته الصغيرة سيلين فهي تشبه والدتها مي شكلًا وموضوعًا.

محمد سامي: أنا تحت جزمة أبويا وأمي

كما تحدث محمد سامي عن والدته ووالده وتعلقه الشديد بهم وقال: أنا تحت جزمة أمي وأبويا هما حياتي، ولما بتجيلي مشكلة مش بعيط غيرفي حضن أمي.

محمد سامي: أمي هي مصدر قوتي وبحكيلها كل حاجة

وكشف: أمي هي مصدر قوتي وأول حد صدق فيا، وبحكي لها كل حاجة يمنعني كبريائي إني أقولها لغيرها، ومراتي شريكة حياتي طبعابس مفيش راجل بيحب يبين ضعفه وانكساره قدامها. 

وأوضح: إحنا بيوتنا ورا بعض وحياتنا كل يوم مع بعض، إحنا مش عيلة بتسأل على بعض في الأعياد بس، إحنا كل يوم مع بعض وبنحكيكل حاجة لبعض، ومي مراتي وروحها في أمي وهي بتدافع عنها لما يحصل مشكلة بينا.