محمد سامي: بحكي لأمي كل حاجة ومش بحب أبين ضعفي لـ مي وولادي معلمني الأدب

كشف المخرج محمد سامي عن علاقته بوالدته ووالده، وكشف بعض الأسرار عن حياته الشخصية.

تحيا مصر يرصد لكم تصريحات محمد سامي

وقال محمد سامي في تصريحات تليفزيونية: بناتي الاتنين معلمني الأدب، وأكاد أكون أكتر أب شخصيته ضعيفة أمام ولاده، وحشري جدافي حياتهم عشان حابب أكون ملم بكل تفاصيلهم.

محمد سامي: بنتي الصغيرة واخدة شخصيتي بالمللي

وأضاف: بنزل أشتري معاهم اللبس وأشوف مذاكرتهم، وبنتي الكبيرة واخدة شخصيتي بالمللي، وسيلين الصغيرة شبه مي شكلا وموضوعا. 

محمد سامي: أنا تحت جزمة أمي وأبويا وبعيط في حضن أمي

كما تحدث محمد سام عن والدته ووالده وتعلقه الشديد بهم ووضح: أنا تحت جزمة أمي وأبويا هما حياتي، ولما بتجيلي مشكلة مش بعيط غيرفي حضن أمي، هي مصدر قوتي وأول حد صدق فيا، وبحكي لها كل حاجة يمنعني كبريائي إني أقولها لغيرها ومراتي شريكة حياتي طبعا بس مفيش راجل بيحب يبين ضعفه وانكساره قدامها. 

محمد سامي: أمي بتدافع عن مي لما بيحصل مشكلة بينا

وأوضح: إحنا بيوتنا ورا بعض وحياتنا كل يوم مع بعض، إحنا مش عيلة بتسأل على بعض في الأعياد بس، إحنا كل يوم مع بعض وبنحكي كل حاجة لبعض، ومي مراتي وروحها في أمي وهي بتدافع عنها لما يحصل مشكلة بينا. 

محمد سامي يشيد بالفنانة هالة صدقي

وفي اللقاء ذاته أعرب الفنان محمد سامي عن سعادته البالغة بالعمل مع الفنانة هالة صدقي وقال:هالة صدقي أستاذتيالموهوبة الخلوقة اللي كانت لمانا كلنا في حضنها، وهي العمود الفقري للمسلسل، كان معانا خبرة وأخلاق وذوق.

وأضاف: وبشكرها إنها يوم ما قولتلها تعمل دور أم لناس كبيرة سنا وافقت وقالت أنا ممثلة، وهي ست جميلة وخفيفة الظل.

واستكمل:  ويا بختي إن يتحط في تاريخي إني اشتغلت معاها، ومن حق الممثلين أصحاب القدرات دي إنهم يتعاملوا مع ناس تقدر تطلع القدرات دي منهم.

مسلسل جعفر العمدة

وكان قد حقق المخرج محمد سامي نجاحًا كبيرًا من خلال مسلسله جعفر العمدة والذي عرض ضمن السباق الرمضاني المنقضي، وتصدر المسلسل تريندات مواقع التواصل الاجتماعي.