زينة: أنا وبحب أبو ولادي ومفيش حد ليه دعوة ونأكل بعض وهنتصالح في الأخر

كشفت الفنانة زينة بعد الأسرار عن حياتها الشخصية، كما تحدث عن أزمتها مع طليقها الفنان أحمد عز، ووجهت رسالة للمتدخلين في حياتها الشخصية.

تحيا مصر يرصد لكم تصريحات زينة

وقالت زينة خلال استضافتها في برنامج حبر سري:  الوسط الفني مفيهوش واسطة وفي ناس بتستخدم الوسطة على طول ومش بيزهقوا، ونهاد رمزي ساعدتني في البداية وزقتني.

وكشفت زينة: أنا مش كرها الجواز ولا اتعقدت والواقع إني عندي مسئولية ومش فاضية ومش عندي رفاهية إني أحب واخرج ومش عندي حاجة اديها لأي حد ووقتي كله لولادي أو شغلي وحياتي كلها عيالي ولو عندي وقت هديه لنفسي لان أنا أهم وبحارب في دنيا كلها حروب والأول ولادي وبعديهم نفس واللي هيجي هياخد ايه.

زينة: أنا بحب أبو ولادي

وأوضحت زينة: أنا بحب أبو ولادي ومينفعش أقول إني مش بحبه حتى لو هو مش موجود ومينفعش أقول أنا بحب حد تاني لأن ولادي لما يكبروا مش هيسمحوني، وأنا عشان خاطر ولادي أعمل أي حاحى في العالم

وعندما سألتها أسما إبراهيم عن كام مرة زينة نامت مقهورة رودت وقالت:  شوية كتير وبكون عايزة أعيش دور المقهورة عشان ربنا يعوضني وربنا كبير ومش هتعرفي تكذبي على ربنا ولما بزعل أوي بخاف أنام.

وتحدثت زينة عن عمليات التجميل وقالت: محمد سامي طول الوقت بيقولي أعملي عملية تجميل في مناخيرك وأنا بقوله لا الكاريزما هتروح.

وأضافت زينة : راضية عن شكلي و ربنا مديني نعمة الصحة ومينفعش أدخل افتح حاجة في وشي وممكن أموت وأنا بعمل عملية التجميل ومقومش لعيالي.

زينة عن أزمتها مع أحمد عز: مفيش حد ليه دعوة ونأكل بعض وهنتصالح في الأخر

كما تحدثت عن أزمتها مع أحمد عز وقالت: محدش ليه دخل يتكلم علينا، و أنا وهو في بينا ولاد وناكل بعض مفيش حد ليه دعوة بينا وهنتصالح في الأخر واللي عايز يقول رأيه يقول في بيته، وبقى أي حد مش عنده شغل يتكلم علينا

وتابعت: لو وقعت في أزمة أحمد عز هيجي عشان خاطر ولاده مش عشاني أنا، وهو راجل محترم ومتكفل بولاده ومحترم معاهم

وأضافت: اللي ضدي واللي معاه بس مش عايزين حد يتدخل ومتدخلوش ف مشكلة متخصوكوش وانتوا متعرفوش أي حاجة وملكوش تتدخلوا والاعلام تتدخل في الموضوع واللي مش لاقي شغل بيتكلم علينا.

واستكملت:  انتوا مين بجد بس اخرسي انتي وهي وهو محدش ليه دعوت بينا احنا حرين ناكل بعض هنتصالح في بينا ولاد هو راجل محترم وانا محترمه محدش ليه دعوة بينا.

كما تحدثت زينة عن سبب حضورها للمهرجانات وقالت: أنا اروح مهرجان بفيلم أو أقدم جايزة ومش بحب أروح مع الزحمة وخلاص ومش بحب اقلل من نفسي وأروح للتريند وكل  ده.

زينة عن تامر حسني: مش عندي عمر تاني عشان أعمل صاحب زيه

وتحدثت زينة عن علاقة الصداقة التي تجمعها بتامر حسني وقالت: أخويا وعشرة عمري ومفيش حد يقدر يوقع بينا، ولو عمل إيه أنا هبقى مسمحاه لأنه أبن قلبي ومش عندي عمر تاني عشان أعمل صاحب زيه، لأن بينا عمر ومواقف وهو معتبرني واحد صاحبه مش معتبرني بنت.

وتحدثت عن محمد سعد وقالت زينة: ناس حذرتني من محمد سعد لكن هو أطيب حد اشتغل معاه وأجدع حد في الدنيا ومتصدقوش أي حاجة بتتقال عليه

وكشفت زينة: بحب أغاني المهرجانات جدًا وحمو بيكا لذيذ وبحبه جدا، و أبيوسف حبيبي ومحترم ومؤدب وبحسه أبني وهو طفل من جواه وبيراعي أهله وراقي ومتعلم واتبسطت إني اشتغلت معاه.

زينة باكية: تعبت في حياتي من بعد وفاة والدي والوجع مش بيقل

وتحدثت زينة عن والدها وهي تبكي وقالت: والدي مات وهو راضي عني ولو كان في ملايكة على الأرض كنت هقول أبويا ده ملاك مش بني أدم وتعبت من بعده في حياتي وكنت فاكرة أن كل الناس زيه بحس أن البيت من غير بابا من بعد وفاته و الوجع مش بيقل وأنا مش بنسى .