زينة: مش هشتغل تاني مع محمد سامي وأنا مش أم مثالية لـ أولادي

تحدثت الفنانة زينة عن أسرار في حياتها الشخصية، كما تحدثت عن تجربتها في التمثيل مع المخرج محمد سامي، ونجاح مسلسل جعفر العمدة.

تحيا مصر يرصد لكم تصريحات زينة

وقالت زينة خلال استضافتها في برنامج حبر سري: الكذب صفة تسقط من نظري أي راجل  والراجل الندل مش بشوفه،  شخصيتي قوية واللي قدامي بيخاف يتكلم قدامي ولما بتعصب ببقى كأني ملبوسة وببقى واحدة تانية وبخوف، وعمري ما شوفت راجل في حياتي بخيل

زينة: مسلسل كله بالحب كنت مش راضية عن الدور بس كنت محتاجة فلوسه

وكشفت زينة: في أفلام كتير ومسلسلات مكنتش راضية عن الدور بس كنت محتاجة الفلوس زي مسلسل كله بالحب، وعملت مع إلهام شاهين من غير فلوس خالص. 

زينة: أنا مش أم مثالية مع ولادي وحاسة إني مقصرة معاهم ومش راضية عن نفسي

وتابعت: أنا مش أم مثالية مع ولادي وكل شوية بحس إني مقصرة مع ولادي زمش راضية عن نفسي واللي بيشوف نفسه كويس بيبقى مجنون ومش طبيبعي، والسن والعمر غيروني 

زينة: مش عارفه أعلم ولادي الصوم ويعني إيه ابني ميكنش عارف يأكل ولا يشرب

وأوضحت: مش عارفة أعلم ولادي الصوم يعني إيه ابني مش قادر يأكل ولا يشرب وبقولهم المايه مش بتفطر والرز والملوخية مش بيفطروا وعملت صيام الحجة زينة.

وتحدثت عن الفنانة نادية الجندي وقالت: نادية الجندي لو طلبتني في دور عاشر أعمله معاها وهي كانت صديقة نهاد رمزي وهي مربياني وأنا بحب الست دي وبحترمها وبغير على منظرها وانسانة طيبة ومهذبة وبنت ناس وشوفتها في مواقف كتري في منتهى الجدعنة وهي أقرب الناس ليا ، وهي ثروة قومية ولازم نجرم اللي يغلط في الناس دي.

وتابعت: كنت بروح لبنان كانوا يقولوا انتي من عند نادية الجندي ونجلاء فتحي، وبحمل الإعلاميين مسئولية، ومينفعش تجيبي حد مش عنده أعمال يتكلم عنه ويتكلم على ناس  ويغلط فيهم وهاتي اللي ناجح وشاطر ومش دي عشان تشتم، وفي ناس بتلف في البرامج عشان تشتم والناس الكويسة المحترمه مش بيغلطوا

وأضافت: ناس كتير غلطت فيا الفترة الأخيرة دي ومعرفش ساكتين ليه السنين دي كلها وانتوا بتعملوا سعر لناس بلا سعر، ونفسي يطلع قانون ضد الهجوم على الفنانين.

وتحدثت عن كواليس مسلس جعفر العمدة وقال: محمد السعدي اللي اقنعني أشارك في جعفر وبقوله أنا عملت اللي عليا وكان مصمم إبقى موجودة وهو منتج محترم وكان مصمم عليا ولما أضايق من حاجة وأعوز حاجة كنت بتصل بيه  

والمسلسل نمبر وان، ومروحتش عمرة عشان أهرب من سحور وكنت قولت إني عيانة والسحور كان مجموعة المسلسلات اللي بيعملها سعدي وده سحور شركة ولو كنت في مصر مش بحب اخرج في رمضان بحب أقعد مع عيالي.

زينة: مش هشتغل تاني مع محمد سامي

وكشفت زينة عن حقيقة خلافها مع محمد سامي وقالت: أنا معنديش نقطة خلاف مع محمد سامي بس مش هشتغل معاه تاني أنا حره وهشتغل مع اللي بحبه ومرتاحة معاه

وتابعت: اشتغلت معاه اولاني اشتغل معاه تاني ليه اجيب مخرجين تانية، وانا نفسي اشتغل مع هاني خليفة طول عمري. 

زينة في جعفر العمدة 

وتشارك زينة، خلال الموسم الرمضاني في مسلسل «جعفر العمدة» بطولة الفنانين محمد رمضان، وهالة صدقي، وإيمان العاصي، وميكساب، ومنة فضالي، وأحمد داش، ومنذر رياحنة، وعصام السقا، وغيرهم، المسلسل من تأليف وإخراج محمد سامي، وشارك في السيناريووالحوار مهاب طارق وإنتاج شركة ميديا هب سعدى – جوهر برعاية المتحدة للخدمات الإعلامية.

وتدور الأحداث في إطار اجتماعي شعبي، حول جعفر العمدة (محمد رمضان) وهو في العقد الرابع من عمره، ولديه 3 زوجات، ويمتلكشركات للمقاولات ويدخل في العديد من الصراعات سواء في عمله أو بعيداً عن العمل، ثم يقابل خلال مشواره «عايدة» (زينة) ويتعرف عليهاوتنشأ بينهما قصة مليئة بالمفاجآت، كما يعيش جعفر مأساة تستمر عدة سنوات بعد فقدان ابنه واختطافه من قِبل مجهولين، ولا يعرف إذا ماكان حيًا أو أصابه مكروه.