شيرين رضا: أنا مش أكتر واحدة فهمت عمرو دياب ولما ببصله مش بفتكر أننا كنا متجوزين

 تحدثت الفنانة شيرين رضا عن طليقها الهضبة عمرو دياب، كما كشف عن علاقتها بدينا الشربيني وزينة عاشور، وكشف بعض الأسرار في حياتها.

تحيا مصر يرصد لكم تصريحات شيرين رضا

وقالت شيرين رضا خلال برنامج أنا والقناع: مش بحب النكد وليا واحدة صاحبتي كانت عزيزة عليا ووقعت في نظري بسبب التصرفات ولما حد بيجرحني بمشي واللوم يكون لما تفرق معايا، واحب اشوف الجمهور شايفني ازاي ولازم يفرق معايا الناس شيفاني ازاي وانا في المجال ده عشان الناس.

شيرين رضا: بنتي خدت من عمرو دياب أيديه ورجله بس

وأكدت النجمة شيرين رضا، أن الشغل له هيبته، وعلاقتها بابنتها وأهلها وأصدقائها ليست لها هيبة ولكن بينهم حب، قائلة: علمت بنتي كل حاجة اتعلمتها من أبويا وأهم حاجة النقاش وأخذت من والدها أيديه ورجله وأخذت ملامح منه".

شيرين رضا: أنا لغز كبير وأنا بس اللي معايا مفتاح اللغز 

وكشفت شيرين رضا: "أنا لغز كبير وأنا بس اللي معاه مفتاح اللغز، ومش بخاف من الحب وتعودت أن مشاعري متكونش هي المتحكمة في أفكاري وأرائي

شيرين رضا: أنا مش أكتر واحدة فهمت عمرو دياب

وتابعت: أنا مش أكتر واحدة فهمت عمرو دياب واحنا كنا صغيرين وقت زواجنا وأعرفه من صغرنا ونعرف بعض كويس ولكن مش أكتر واحدة أفهمه ومش فاكرة غير الحاجات الحلوة اللي بينا ومش بحب افتكر الحاجات الوحشة.

شيرين رضا عن زينة عاشور طليقة عمرو دياب: كنت بقول لبنتي زينة مامتك التانية مش مرات أبوكي

كما كشفت إنها مقتنعة بعلاقتها بدينا الشربيني وزينة عاشور، قائلة: زينة هي أم لأخوات بنتي، ودائمًا كنت بقول لبنتي نور إن زينة مش مرات أبوكي هي مامتك الثانية، خاصة لما أنا مبكنش موجودة او هي موجودة عند والدها"، مضيفة: "مبحبش كلمة مرات الأب، فكان لازم نبقى أصحاب لأن في بينا 4 عيال أخوات ملهمش ذنب.

وأضافت: دينا الشربيني صاحبتي من زمان، وعمري ما كنت هخسر صداقتها ولحد دلوقتي مخسرتهاش ولسه أصدقاء وهنفضل طول العمر"، موضحة: "أنها تصدق صداقة سيدات كانوا يحبوا نفس الرجل، لأن الصداقة صداقة، ولو نزعنا كل ما يضايقنا وقت علاقتي بالرجل من تاريخي وتفكيري هلاقي الحياة ماشية عادي.

شيرين رضا: لما ببص لعمرو دياب مش بفتكر أننا كنا متجوزين 

وأضافت: "لما ببص لعمرو دياب مش بفتكر أننا كنا متجوزين وإني زعلت منه يوم كذا، نسيت كل دا"، موضحة: "الأنسب لعمرو دياب هو اللي يقدر يحدده، لأن العلاقة بين أي اتنين لازم تيجي من جوا الشخص، ولازم يحصل تفاهم ووجهة نظري أنا ملهاش دعوة بالحقيقة".
ووجهت الإعلامية منى عبد الوهاب، سؤالًا للفنانة شيرين رضا، قائلة: "لسة بتسمعي أغاني عمرو دياب"، لترد، قائلة: "أكيد، وبحب أغنية تملي معاك أوي، لأني أنا وبنتي بنحب الأغنية دي جدًا"، لتقاطعها منى عبد الوهاب: "ولا مرة خطر في دماغ شيكا ليه منرجعش على مدار كل السنين دي"، لترد شيرين، قائلة: "لأ خلاص الحياة بتودي كل حد في سكته وأنسب لنا الصداقة دلوقتي".

وكشفت شيرين رضا: اللي بيتكسر مش بيتصلح، ومش بعرف أبص ورايا وبمشي للأبد.