تامر حبيب: بقالي 5 سنين مش بصوم ولبس الحلق ثقافة موجودة عادي

كشف السيناريست تامر حبيب عن سبب جرأة أعماله ، كما تحدث عن سبب عدم صيامه في شهر رمضا، موضحًا أنه لا يصوم لسبب مرضي.

تحيا مصر يرصد لكم تصريحات تامر حبيب

وقال تامر حبيب خلال لقائه في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: الدور الفني الحقيقي يتكلم على بصراحة وموجود المثالية  في مجتمعنا العربي، وشرف ليا أبقى أجرأ من نيتفليكس وفي مواضيع تخص العقيدة بكون عايز أتكلم عنها ومش برضى.

تامر حبيب: بقالي 5 سنين مش بصوم

وكشف تامر حبيب أنه لم يصوم في رمضان منذ 5 أعوام وقال تامر حبيب: بقالي 5 سنين مش بصوم ومفيش حد ليه دعوة أنا بصوم أو لا وأنا بحب الصيام بس مبقتش أصوم لسبب مرضي لأني عامل عملية تحويل مسار وممنوع أصوم لان جتلي جلطة، ولازم طول الوقت أشرب ماية.

تامر حبيب: لبس الحلق ثقافة موجودة عادي

وتحدث عن سبب ارتدائه الحلق وقال: لبس الحلق ثقافة موجودة وخارم ودني عادي وفي رجالة كتير لابسين حلق، ومش بلبسه في كل الأوقات لأنه بيكون مستفز للبعض وده مش ذنبي

تامر حبيب: لبس الحلق ثقافة ولما خرمت ودني مكنتش في مصر ولما رجعت السواق اللي معايا وفضل يبصلي باستغراب، وفي مصريين بيلبسوا حلقان.

كما كشف أنه يحضر لعمل فني مكون من 8 حلقات، كما أبدى إعجابه بمسلسلات الـ 15 حلقة وقال تامر حبيب: كل المسلسلات الـ 15 حلقة في رمضان هما اللي عملوا ضجة.

تصريحات تامر حبيب

وكان قد كشف تامر حبيب عن سبب ظهوره في العديد من الأعمال الفنية وذلك في الجزء الاول من الحلقة  وقال:  أنا مثلت في حاجات مش أنا اللي كتبها والمرتين كانوا انقاذ موقف، ومنهم مسلسل طريقي في أول ست حلقات أحمد صيام اعتذر، وأنا مش ممثل حلو والتمثيل لعبة وأنا بحب التمثيل وبالنسبالي كانها لعبة.

وتحدث تامر حبيب عن أزمة الفنانة منة شلبي وقال: من أسود الأيام اللي مرت عليا وكنت قاعد هموت وروحتله البيت ويومها عرفت قد إيه أنا بحبها وختها في حضني وكان كل همي تنسى أي زعل، و الناس كان بتحكم على منة شلبي والضغط عليها جه من السوشيال ورد فعلهم عليها كأنهم أبو العريف ونازين معاها من الطيارة.

وأضاف:  لما الفنانات حضنوني في عزا أمي الناس انتقدنتي رغم أنه عادي، وخلي الناس اللي بتتكلم ياخدوا سيئاتنا وناخد حسناتهم.