رضوى الشربيني تنهار من البكاء عند الحديث عن مرض والدتها| فيديو

تحدثت الإعلامية رضوى الشربيني عن تفاصيل مرض والدتها الراحلة وأيامها الأخيرة، وذلك خلال لقائها اليوم ببرنامج أنا والقناة مع الإعلامية منى عبد الوهاب.

تحيا مصر يرصد تفاصيل حديث رضوى الشربيني عن والدتها

حديث رضوى الشربيني عن والدتها

فقالت رضوى: صحيت من النوم في التوقيت اللي كان هناك بلاد قفلت فيه بسبب الجائحة، وأنا كنت أول واحدة أصيبت بكورونا وماما أخدت العدوى مني، وعزلت نفسي والبيت كله طلع سلبي واتطمنت شوية، وسمعت بنتي الكبيرة بتكح، كلمت صحبتي أني لازم أطلعهم من البيت.

وتابعت: سمعت صوت ماما بتكح وكلمت حد من وزارة الصحة وبالفعل جاء أفراد من الوزارة وعملوا الاختبار وطلع البيت كله إيجابي، واليوم ده قررت أنه حتى التعب مينفعش أحس بيه، لأن مفيش حد يمرض كل دول.

رضوى الشربيني في أنا والقناع

واستكملت: بعد 24 ساعة بنشوف الأكسجين بتاع ماما لقيناه قليل، وقلبت الدنيا عقبال ما لقيت لها مكان في المستشفى وطلبنا الإسعاف ووديناها المستشفى أنا وأخويا، وعمري ما هنسى الكلمة اللي قالتها لي وقتها، قالت لي لو هتدخليني المستشفى أنا هموت هنا.

أما عن وجعها من تجربة الطلاق نفت رضوى الشربني ذلك، وأضافت: "الوجع كان كبير وقسيمة الطلاق مش وجع لكن اللي بيوصلك للطلاق هو اللي بيبقى وجع، وأنا عمري ما هتكلم على أبو بناتي لأن فيه بناتي بيحبوه جدا وبيحترمه وهيفضلوا شايلين اسمه، ليه اطلع أقول على السبب، لكن الأكيد إني بعده اكتشفت نفسي.

رضوى الشربيني تعلق على عودة حسام حبيب لشيرين

وعلى الصعيد الآخر، تحدثت المذيعة رضوى الشربيني عن الجدل الذي أثير مؤخراً بسبب عودة الفنانة شيرين عبد الوهاب إلى عصمة طليقها الفنان حسام حبيب، وذلك في حلقة اليوم من برنامجها "هي وبس" الذي يذاع على شاشة تلفزيون قناة "سي بي سي سفرة".

حيث قالت رضوى الشربيني: "إزاي تقولوا على شيرين عبد الوهاب معندهاش كرامة"، ودافعت عن حسام حبيب.. حد يقولي غلط في ايه؟.. أخو شيرين هو اللي قال تصريحات مش كويسة في حق أخته، وكان في حد من مصلحته أن تكون نفسية شيرين مش كويسة".