محمد مختار: كلام رانيا يوسف ولا يفرق معايا ومش عايز أعرف عنها أي حاجة تاني

رد المنتج محمد مختار على اتهامات رانيا يوسف بعد صرفه على بناته، وكشف عن علاقته ببناته، كما وجه رسالة قوية إلى رانيا يوسف.

تحيا مصر يرصد لكم تصريحات محمد مختار

وقال محمد مختار خلال استضافته في برنامج حبر سري والذي يعرض عبر قناة القاهرة والناس وتقدمه الإعلامية أسما إبراهيم:  دفعت مصاريف الجامعة بتاعت بناتي واديتها كل حاجة ومستعد احلف على المصحف.

وتابع: كل حاجة ادفعت بحكم محكمة وولادي كانوا في مدارس انترناشونال وراحت نقلتهم مدرسة أغلى وأنا بدفع وبس، ودفعت مصاريف بناتي لحد الجامعة ولو مشتغلوش بعد الجامعة هصرف عليهم برضو.

واستكمل: أم البنات متعرفش إني عارفة أن بنتي الكبيرة بتشتغل، واديت بنتي الصغيرة أكتر من 2 مليون لمصاريفها في أسبانيا، وبدفعلهم 5 الف إيجار وهما قاعدين في الفيلا بتاعت والدتهم، ورانيا بتعتبر أن الفلوس قليلة وأنا بديلهم فلوس تانية غير اللي في المستندات.

وأضاف: أنا حزين إني بعمل كده بس هي اضطرني كفاية بقا وهي كانت بتقول أن مفيش زيي وربنا يخليه وبعد ما اتجوزت التاني ده قلبت شخصية تانية معرفش ليه.

محمد مختار: كلام رانيا يوسف ولا يفرق معايا

واستكمل محمد مختار: كلام رانيا يوسف ولا يفرق معايا ولا بحب أرد ودي أخر مرة هرد عليها وتقول زي ما هي عايزة تقول، وهي  مكنش في حد يعرفها واتعرفت في السوق بعد ما ارتبطت بيا.

وكشف: لما بنتها عملت عمليتين أنا اللي كانت قاعد معاها، وكنت شايل للولاد أكتر من كده لغاية ما رفعت قضية ضدي وكانت سعيدة وحست أنها انتصرت.

محمد مختار يوجه رسالة لـ رانيا يوسف:  مش عايز أعرف عنك أي حاجة 

كما وجه لها رسالة وقال: أنا مش عايزة اسمعك ومش عايز أعرف عنك أي حاجة تاني، ومفيش داعي للحاجات اللي بتعمليها دي  لأنها بتخسر والناس مش بتصدق وشوفي حاجة تانية يبقى ليكي ليها جماهيرية على السوشيال ميديا وانتي حرة اتصرفي زي ما انتي عايزة .

تصريحات محمد مختار

وكان قد كشف محمد مختار في الجزء الأول من حلقته في برنامج حبر سري عن سبب اختيار نادية الجندي بطلة لكل أعماله.

و قال محمد مختار: أنا عملت 9 أفلام بره مصر والكاست بتاعي تقريبًا هو هو وكان في ناس كتير بتقول اشمعنا نادية الجندي،  ونادية حصان رابح ومكنتش بغير، وابقى مجنون لو كنت جبت بطلة تانية لأفلامي بدل نادية الجندي، وليه أجيب واحدة توقعني ، و أنا بموت في نادية الجندي ولغاية دلوقتي علاقتنا من بعد انفصالنا أقوى من لما كنا مرتبطين، ونادية الجندي ملهاش مثيل في الستات