محمد مختار يرد على اتهامات رانيا يوسف بعدم صرفه على بناته ويعتذر لـ نادية الجندي

كشف المنتج محمد مختار عن حقيقة الخلافات بينه وبين الفنانة رلنيا يوسف، كما رد على اتهامتها بعدم صرفه على بناته، موضحًا ذلك بالمستندات.

تحيا مصر يرصد لكم تصريحات محمد مختار

وقال محمد مختار في برنامج حبر سري والتي تقدمه الإعلامية إسما إبراهيم: أنا ورانيا يوسف مكناش حابين نرجع لبعض وهي كانت منهارة لما جه المأذون واضايقت بعد الطلاق لأننا كنا عايشين حياة كويسة.

محمد مختار: فضحت الزوج الثاني لـ رانيا يوسف

وكشف محمد مختار: زوج رانيا يوسف الثاني خلاها تبعد عن كل صحابها وأثر عليها، وبدأ يلعب لعبته عليها لغاية ما هي قفشته، وأنا فضحت زوج رانيا يوسف التاني وعملت محضر في ابنه لأنه كان بيبعت لبناتي صور مش حلوة.

وكشف محمد المختار أنه وزع ممتلكاته على بناته من رانيا يوسف وعلى نجله من زوجته الثانية، موضحًا أنه لا يمتلك أي شئ.

محمد مختار يرد على اتهامات رانيا يوسف بعدم صرفه على بناته

ورد على اتهامات رانيا يوسف بعد صرفه على بناته وقال: هي قالت إني مش بصرف على بناتي وأنا معايا ورق رسمي، والتجريح من رانيا يوسف بقى زيادة شوية وكل الكلام اللي قالته غلط، وببعت لرانيا يوسف كل شهر 15 ألف جنيه لأكل وشرب بناتي و800 ألف للتعليم بس.

وأضاف: كل اللي اتطلب مني في دفعه أنا دفعت وقبل القضايا وبعد القضايا وبحولها فلوس كل شهر، وعملنا بند عن المحامي فريد الديب أننا منتكلمش عن حياتنا الشخصية، وأنا اتقال عليا كتير وعمري ما فتحت بوقي، وجاي أرد على اللي هي قالته.

وتابع: الأب دلوقتي بعد القوانين الجديدة ملهوش أي لازمة وفلوس بس وولادي طلعوا من مدرسة ودخلوا مدرسة تانية وأنا مكنتش أعرف

محمد مختار: نادية الجندي مكنتش بتوقع بيني أنا ورانيا يوسف وبعتذرلها

وكشف عن حقيقة تسبب الفنانة نادية الجندي في الخلاف بينه وبين رانيا يوسف وقال: نادية الجندي مكنتش بتوقع بيني أنا ورانيا يوسف، ونادية بريئة من كل كلام رانيا يوسف عنها وملهاش دعوة بكل اللي أتقال، وهي مش سبب طلاقي برانيا يوسف ولو كده كانت منعتني أتجوز رانيا يوسف من الأول.

وأضاف:أنا جيت الحلقة انهاردة عشان اعتذر لنادية الجندي، وأنا متأسف يا نادية إني حطيتك في الوضع ده، ونادية ملهاش دعوة بالخلافات وولادي كانوا صحابها وبنتي مثلت معها.

كما كشف عن سبب إنتاجه لرانيا يوسف وإنتاجه لـ نادية الجندي وقال: سبب عدم انتاجي لـ رانيا يوسف وانتاجي لنادية الجندي لأنها غول تمثيل وكانت حصان رابح بالنسبالي.

وتابع محمد مختار: رانيا بتتكلم عني عشان التريندات وتشوه صورتي، وكنت بساعد رانيا يوسف كتير في أعمالها

محمد مختار: بقوم على رانيا أم البنات لأنها قيمة وقامة وهي بتقول عني أبو الولاد وبنعند مع بعض