ياسمين رئيس: اشتغلت مجاملة في فيلم قمر 14 ومش بحب الماراثون الرمضاني

كشفت الفنانة ياسمين رئيس أنها قدمت فيلم قمر 14 كمجاملة فقط، كما كشفت عن أسباب غيابها عن السباق الرمضاني، وعن رأيها في التريند.

تحيا مصر يرصد لكم تصريحات ياسمين رئيس

وقالت ياسمين رئيس خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: اشتغلت مجاملة في فيلم قمر 14 ودوري مكنش مهم، ومشتغلتش عشان الفلوس.

وكشفت ياسمين رئيس عن بعض الأمور في حياتها ومنها أنها تحافظ دائمًا على وزنها وقالت: أنا تخنت قبل كده 7 كيلو ومكنتش حابة شكلي ومهما كلت مش بتخن وكنت باكل حاجات معينة تتخني.

ياسمين رئيس: مش بحب راجل يتحكم فيا

وعن رأيها في الرجال وتحكمتهم قالت ياسمين رئيس: أنا مش عيلة صغيرة عشان راجل يقولي متلبسيش أو متكلميش حد معين، أنا راقيبة على نفسي ومقابلتش راجل في حياتي كده.

كما كشفت ياسمين رئيس: أنا اتغيرت عشان ابني وبقى عندي أمان وخلى عندي إحساس بالمسئولية وخلاني حنينة واكتشف حاجات فيا مكنتش موجودة.

كما كشفت ياسمين رئيس أنها لا تشاهد مسلسل بابا المجال موضحة: أنا متفرجتش على مسلسل بابا المجال ومش هتفرج عليه، وبتفرج على كامل العدد والصفارة والكبير أوي و1000 حمدالله على السلامة.

ياسمين رئيس: أنا طول عمري بره السباق الرمضاني 

 وكشفت ياسمين رئيس: أنا طول عمري بره السباق الرمضاني ومش بحب ماراثون رمضان عشان أنا نفسي قصير.

وأوضحت ياسمين رئيس: أنا بحب السينما أكتر، وعندي خوف أن السينما ممكن تقفل ونتفرج على منصات بس ودي حاجة وحشة جدًا.

ياسمين رئيس: التريند بقى لعبة وحاجة مش حقيقية

وتحدثت ياسمين رئيس عن التريند ورأيها في التريند وقالت: موضوع التريند بقى مش حاجة حقيقة وكل الناس بقت عارفة أن هو لعبة بتتعمل وليها مفاتيح وفي شركات ماسكة المواضيع دي وعارفة هي بتعمل إيه.

كما تحدثت عن حنين حسام بعدما دافعت عنها من قبل وقالت في الجزء الأول من برنامج حبر سري: حنين حسام كان لازم يتعمل معاها كده عشان المجتمع عايز حد يبقى كبش فدا، وأنا كنت مستغربة من حكم الناس ضد حنين حسام.

وتابعت: ورفضت الهجوم عليها وبقينا في مجتمع محكمة الرأي العام وعايزين البنت في حدود معينة وحكموا عليها وهي معملتش أي حاجة غلط.