محمد فؤاد: كنت عارف إني رايح لرامز ومش هقبل الهجوم عليه وهروحله تاني

تحدث الفنان محمد فؤاد عن ذهابه لبرنامج رامز نيفر إند، وكواليس الحلقة ومعرفته بالمقلب خلال البرنامج.

تحيا مصر يرصد لكم تصريحات محمد فؤاد 

وقال محمد فؤاد خلال استضافته في برنامج العرافة والتي تقدمه الإعلامية بسمة وهبة: انا عارف اني رايح لرامز وده مجنون وممكن يتسبب في مصيبة.

محمد فؤاد: مش هقبل الهجوم على رامز وهروحله تاني

واضاف: أنا روحت لرامز وهروحله تاني ومش هقبل الهجوم عليه لأن سكاكين الدنيا جت عليه والسوشيال ميديا سم قاتل وكله بيفتي.

واستكمل: كانوا عارفين اني عامله عملية لكن عدت على خير ومفيش اي حاجة حصلت ويطمن الناس وكان اوفر جدا على السوشيال ميديا.

وردت بسمة وهبة على حديثه وقالت: كل فنان بيروح لرامز يبقى مسئول عن اللي هيحصله هو مش عارف هو هيحصله ايه بس عارف أن هيحصله مصايب.

محمد فؤاد: كنت رايح مقلب رامز وانا مرعوب 

واستكمل محمد فؤاد: أنا كنت رايح مرعوب وجبت الشركة اللي عامله المقلب وعرفت أنه مطعم طائر بس قولت قدامنا لسه نص ساعه واضرب رامز واعمله فخ.

وتابع محمد فؤاد حديثه عن برنامج رامز : مفيش حد مش بيقبض وهي مش سرقة وأنا روحت إكرامًا لرامز عشان أنا بحبه.

واستكمل محمد فؤاد: قولت لرامز جلال أعمل مقلب من غير ما تهين حد وقولتله الناس بتزعل منك وأنا كمان هزعل منك

محمد فؤاد: وزني عملي عقدة مش عارف اتخلص منها

وتحدث محمد فؤاد عن عملية التكميم التي خضع لها وقال: وزني عملي عقدة ومش عارف اتخلص منه.

تغير ملامح محمد فؤاد 

وكان قد تداول رواد مواقع التواصل الاجتماعي، صورًا حديثة للفنان محمد فؤاد، التي التقطها في كواليس برنامج العرافة والتي ظهر فيهابنحافة غير معهودة، وملامح متغيرة.

وتساءل الجمهور عن سبب تغير ملامح محمد فؤاد، خاصة وقد تصدر المطرب المصري الترند خلال الأيام السابقة بسبب ظهوره في برنامجنيفر إند مع الفنان رامز جلال، ولم تكن ملامحه بهذا الشكل الجديد.

وربط الجمهور بين تغير ملامح محمد فؤاد وبين عملية تكميم المعدة التي كان قد خضع لها قبل أشهر قليلة، مؤكدين أن فقدان الوزن بهذاالشكل هو السبب الرئيسي في تغير الملامح