ياسر جلال: مراتي قافلة عليا مبتخرجنيش من البيت وهفضل متشرف بـ رامز لأخر يوم في عمري

حل الفنان ياسر جلال ضيف على برنامج “الراديو بيضحك ليه” المذاع على راديو 9090، والذي كشف خلاله علاقته بالانتقادات التي يقابلها على السوشيال ميديا، كما وجه مجموعة نصائح للسيدات والرجال حتى لا يقعوا في دائرة الأخطاء.

تحيا مصر يرصد في ذلك التقرير تصريحات ياسر جلال عن زوجته وشقيقه رامز جلال

ياسر جلال: مش بزعل من انتقادات الجمهور وطالما ضمير مرتاح خلاص

تحدث ياسر جلال في البداية عن تعامله مع الانتقادات التي تواجه من خلال السوشيال ميديا، فقال: “مش بزعل من النقد والتعليقات وطالما أن شخصية عامة بتحمل، وفيه جوة الفنان وحدة قياس أنا بسميها الضمير الفني، بذلت أقصى جهد وتعبت على شغلك وضميرك مستريح لازم أي فنان يسأل نفسه الأسئلة دي ويجاوب عليها قبل الجمهور”.

ياسر جلال: ازعل من الفنان ولومه بس متدمروش لأنه مرايتك

وتابع ياسر جلال حديثه، قائلا: “ازعل من الفنان ولومه وعاتبه بس متدمروش ومتهنهوش لأنه هو مرايتك وصورتك قدام العالم كله، وأنا دايما بكون حريص إنه يكون في رسالة للأعمال اللي بقدمها وكل وقت ليه أدان في السبيعينات كانت الرجالة والستات بيلبسوا تحرر شوية فالفن كان وقتها كدة، دلوقتي المجتمع محافظ بالفن بيقدم ده، الفنان بيقدم ظاهرة سلبية عشان يعالجها ويتكلم فيها، المفروض انت تتلاقها وتدعمها وتناقشها في شكل موضوعي”.

ياسر جلال: مراتي قافلة عليا ومبتخرجنيش من البيت للشغل ومن الشغل للبيت

وقدم ياسر جلال مجموعة نصائح للسيدات والرجال لتجنب الوقوع في المشاكل الزوجية، فقال للسيدات: “عشان جوزك ميغلطش وميضعفش اقفلي عليه في البيت متخرجهوش زي ما مراتي بتعمل هي متبخرجنيش ومن البيت للشغل ومن الشغل للبيت وكل شوية بتكلمني”.

أما نصيحته للرجال قال فيها: "العلاقة بينك وبين مراتك بعد فترة بيبقى فيها حالة من الفتور متستملش للفتور ده عشان هتدفع تمن ضعفكـ فحاول تتجاوز ده، مفيش حد معصوم من الخطأ وأي حد ممكن يمر  بلحظة ويضعف".

ياسر جلال يشيد بشقيقه رامز: بقى جزء رئيسي من الإعلام في رمضان 

واختتم ياسر جلال لقائه بحديثه عن شقيقه رامز، حيث قال: “الفكرة السنة دي عجباني فيها حاجة مختلفة بيتعب كل سنة عشان يطلع فكرة مجنونة ومطرقعة وبقى جزء رئيسي من الإعلام في رمضان وكل الناس بتحبه، وأنا بتشرف بيه وهفضل أتشرف بيه لأخر يوم في عمري”.