أحمد بدير: كلمة نجم بقت سهلة وملهاش معنى وفيلم شارع الهرم لا يليق بمشواري الفني

أعبر الفنان أحمد بدير عن استيائه من وضع اسامي بعض الفنانين قبله في التتر، موضحًا أصبح يُفضل أن يكون ضيف شرف فقط.

تحيا مصر يرصد لكم تصريحات أحمد بدير

وقال أحمد بدير خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا التمثيل اللي جلاني جرئ بس أنا طيب وخجول.

أحمد بدير: كلمة نجم بقت سهلة وملهاش معنى

وأوضح بدير: في غلطة بيعملها الأخرين وهي أنهم بيكتبوا اسامي ناس أصغر مني قبلي في التتر وده بيزعلني، وكلمة نجم بقى ملهاش معنى وبقت سهلة وأي حد عمل مسلسل بيتقال عليه نجم.

وأضاف: أنا اشتغلت مع اساتذة عظماء ومكنتش فيه حتة التحايل لأن كل واحد معروف قيمته، ودلوقتي لو واحد اشتغل لمرة واحدة بيقولوا  عليه نجم.

أحمد بدير: راضي عن 45 عمل في مشواري الفني فقط

واستكمل: اللي ليه جماهيره وتاريخه يتكتب نجم لأنهم بيضيعوا الرحلة ويختصروها في جملة مع واحد لسه بادئ بقاله سنة وبيتساوى مع واحد تاريخه 40 سنة

كما كشف بدير: أنا عندي 415 عمل في مشواري الفني وراضي عن 45 عمل فقط. 
كما كشف أحمد بدير أنه لا يحب أن يخبر أهله بمرضه موضحًا: مش بحب ازعج اللي حواليا ومش بقول لأهلي إني تعبان.

أحمد بدير: ربنا اداني أكتر من اللي كنت بحلم بيه

وأوضح بدير: حاسس أن ربنا اداني أكتر من اللي كنت بحلم بيه وحلمي وطموحي كان واصل أن ميبقاش في عمل فني إلا واسمي موجود، وعمري ما بصيت للي فوقي وببص للي تحتي وبحمد ربنا ارضى بما قسمه الله لك تكون أغنى الناس.

كما تحدث بدير عن فيلم شارع الهرم، وأوضح: كلمة لا يليق بمشواري الفني وتاريخي رقيقة، ومش عارف الفيلم ده حقق إيرادات ازاي.

كما كشف بدير أنه كان يشعر بالخوف عندما جسد شخصية حمدي أحمد موضحًا:كنت مرعوب وأنا بعمل دوره وكنت خايف المقارنة متبقاش في صالحي.

وكشف بدير أن هناك بعض الأشخاص يقوموا بتصدير العديد من الشائعات عنه وأوضح: في قلة مش بتحب أحمد بدير وتستغل المناسبات وتطلع خبر وفاتي وقبل اي احتفالات بيموتني عشان يخلصوا مني.

أحمد بدير: اتنصب عليا في فيلم يا أنا يا جدو

كما كشف بدير أنه تعرض لعملية نصب من أحد المخرجين وقال: اتنصب عليا من مخرج فيلم يا أنا يا جدو وكتابلي شيكات وطلعت بدون رصيد وهو هربان لأن صدر أحكام ضده.