أحمد بدير: لو شوفت أبو تريكة مش هسلم عليه وحسن حسني كان صديق عمري ومفقتده

كشف الفنان أحمد بدير أسرار كثيرة في حياته الشخصية، كما تحدثت عن علاقته بزوجته وكشف بدير حقيقة زواجه من الفنانة هياتم.

تحيا مصر يرصد لكم تصريحات أحمد بدير

وقال أحمد بدير خلال لقائه في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: الحب بيخليك تعمل كل حاجة، وبيخليك مبسوط وعاقل أو مجنون، والحاجة المجنونة اللي عملتها في الحب إني اتقدمت لمراتي وأنا مش معايا ولا مليم ووالدها وافق لأنها كانت بتحبني، وكنت بالنسبالها محمود ياسين.

وتابع: مفيش حد في الزمن ده زيي وزي حبنا والحب دلوقتي دليفري وعشوائي وزمان الواحد كان بيختار بعلقه دلوقتي الاختيارات ليها معايير تانية.

وكشف الفنان أحمد بدير أنه لم يتزوج الفنانة هياتم ، حسب ما قاله البعض، موضحًا: متجوزتش هياتم أنا مش قدها.

أحمد بدير: لو شوفت أبو تريكة مش هسلم عليه 

وكشف أحمد بدير أنه إذا إلقتى باللاعب محمد أبو تريكة فلن ييسلم عليه وأوضح:  لو شوفت أبو تريكة مش هسلم عليه لأن اللي مش بيحب تراب مصر مش بحبه حتى لو أخويا.

وأضاف: أنا أهلاوي وكنت بحبه جدًا كلاعب وكنت بقابله بس بعد الأحداث الاخيرة واللي اتقال عليه خلاني كده.

أحمد بدير: أنا مسامح مي العيدان

كما تحدث بدير عن هجوم الإعلامية مي العيدان عليه ووجه لها رسالة وقال: مش عايز من مي العيدان حاجة خليها تسكت شوية بس وأنا مسامحها.

وكشف أحمد بدير أن المخرجين يتم فرض عليهم بعض الاشياء خلال الفترة الاخيرة، موضحًا:  مش كل المخرجين الأدوار بتترفض عليهم ومش كلهم بيوافقوا، وزمان كان المخرج عايزني في دور ممكن حد يقوله مسافر أو عيان يرد يقوله أنا مستنياه والمخرج كان بيصمم على الممثل وبيشوف أنه أصلح واحد يعمل الدور ولا يمكن يتنازل ودلوقتي صعب شوية حد يعمل كده.

أحمد بدير: مفقتد حسن حسني ونور الشريف

وتحدث عن صداقته مع نور الشريف وحسن حسني، كاشفًا أنه مفقتدهم للغاية وقال بدير:  نور الشريف وحسن حسني مفقتدهم وكانوا قريبين مني جدا وحسن حسني كان مش صديق فن كان أخ وعشرة وصديق عمري .