كريم فهمي: مش باخد قرار غير لما أخد رأي مراتي ومفيش راجل عينه مش زايغة

تحدث الفنان كريم فهمي عن زوجته وعلاقته بها، كما كشف بعض الأسرار عن حياته، كما تحدث عن بناته، موضحًا أنهم نقطة ضعفه. 

تحيا مصر يرصد لكم تصريحات كريم فهمي

وقال كريم فهمي خلال لقائه في برنامج أنا والقناع والتي تقدمه الإعلامية منى عبد الوهاب ويعرض عبر قناة الحياة: مراتي استحملتني من ساعة ما اتقدمتلها لغاية دلوقتي وبتستحمل ضغط شغلي واستحملت أن عيني زايغة.

كريم فهمي: مفيش راجل عينه من زايغة

وتابع كريم: ومفيش راجل عينه مش زايغة، وهي قدرت تتحكم في حياتي ومفيش قرار باخده غير لما اقولها وبقيت أطمن لما ادخلها في تفاصيل حياتي،  والسوشيال ميديا  بتظهر أننا عايشين حياة ملائكية بس احنا بيحصل بينا مشاكل كتير جدا.

كريم فهمي: بناتي هما نقطة ضعفي

وكشف كريم فهمي عن نقطة ضعفه موضحًا أنه بناته هما نقطة ضعفه وقال: طول الوقت بقول إني لا أتحمل عليهم أي شيء، وأوقات بيدفعوني كمصدر قوة إني لازم أشتغل وأجتهد عشان آخد فلوس وأقدر أصرف عليهم.

وأضاف: دايما بتعامل مع بناتي بقناع الدلع، ومش عايز أحسسهم بأي مشاكل حتى لو فيه مشاكل بين أي أب وأم مش لازم أحسسهم بحاجة زي أي بيت، وأهم حاجة إنهم غيروا في حياتي كتير.

وتابع: دانيا مراتي بتدلعهم لكن أوقات بتكون ناشفة معاهم لمصلحتهم بشكل ما في أوقات كتير، ومينفعش إحنا الاتنين نعمل دا، واديتهم اطمئنان اتحرمت منه.

كريم فهمي: بحب أبسط اللي حواليا

واستكمل: أنا مش مثالي لكن الفلوس بالنسبة لي وسيلة، وبحب أبسط اللي حواليا، ومش بعرف يكون فيه فلوس في جيبي، وأهمية الفلوس في إنك تبسط اللي حواليك.

آخر أعمال كريم فهمي

يذكر أن آخر أعمال كريم فهمي هو مسلسل “أزمة منتصف العمر” وكان يضم عدد كبير من النجوم ومنهم: رنا رئيس، ريهام عبد الغفور، وكريم فهمى، وعمر السعيد، ورشدي الشامي، وركين سعد، وسلوى محمد علي، وتدور أحداث مسلسل “أزمة منتصف العمر”، في إطار اجتماعى، وتجسد ريهام دور ربة منزل متزوجة من رشدي الشامي ولديها ابنة، وهي رنا رئيس التي تنشأ بينها وبين كريم فهمي قصة حب.