عبير صبري: اللي يقول إني عاملة عملية تجميل يبقى غيران مني وعاملة بلوك لغادة عبد الرازق

تحدثت الفنانة عبير صبري عن علاقتها بزوجها، كما كشفت بعض الأسرار في حياتها وذلك خلال لقائها في برنامج حبر سري، والتي تقدمه الإعلامية أسما إبراهيم.

تحيا مصر يرصد لكم تصريحات عبير صبري

وقالت عبير صبري: مش بستأذن جوزي في اختيار الأعمال لأنها حرية شخصية، لكن بحب اسمع رأيه وهو بيبقى متحمس لأعمالي أكتر مني.

وتحدثت عن لبسها للحجاب وقالت: لبسي للحجاب وخلعه دي غلطة وندمانة عليها وممكن ارجع ألبس الحجاب تاني في أي وقت.

عبير صبري: جوزي معندهوش سبب يخليه يخوني

كما تحدثت عبير صبري عن زوجها وقالت: جوزي معندهوش سبب يخليه يخوني ومفيش حاجة اسمها خطافة رجالة  والراجل لو راح لواحدة تانية يبقى هما الاتنين وحشين ويبقى هو خطاف ستات

وتحدثت عبير صبري عن فيلم نور عيني وقالت: فيلم نور عيني مش بحبه وكان عندي فيه تهوشات ومكنش احسن حاجة بالنسبالي  ومش بعتبره فيلمي.

وأضافت عبير صبري:  أنا مؤمنة بمواهبتي من أول لحظة وشكلي الحلو ساندني في بعض تجاربي في البداية.

وتحدثت عبير صبري عن شقيقتها مروة ومنعها من دخول عالم التمثيل وقالت: مروة أختي مذيعة شاطرة جدًا ومكنتش عايزاها تمثل عشان مروة لو مثلت هنروح نجيبها من القسم لأنها عصبية وبتحب تكون هي ليدر وقائدة والصفات دي تمنعها  وأنا حافظت عليها وتصعب عليا تتحمل المجهود ده كله.

عبير صبري: اللي يقول إني عاملة عملية تجميل يبقى غيران مني

وكشفت عبير صبري: اي حد يقول اني عملت عمليات تجميل يبقى غيران مني لأن أنا ملامحي هي هي ومعملتش ولا عملية تجميل.

عبير صبري: عاملة بلوك لغادة عبد الرازق

وتحدثت عبير صبري عن الفنانة غادة عبد الرازق وقالت: عاملة بلوك لغادة عبد الرازق، لأن حصل سوء تفاهم بينا بس أنا بحترمها وبقدرها كفنانة.

كما كشفت هبير صبري عن سبب رفضها للخلفة وقالت: اللي خلاني أخاف من الخلفة أن لما بابا توفى كانت حياتي فيها حزن وألم وحسيت أن لو أنا الأم ومشيت وسبت الطفل هيكون تعيس وحزين ووحيد وبرفض الفكرة ومش عايزاها عشان ميتعرضش للي تعرضته بوفاة بابا.

وأوضحت عبير صبري أنها تكره التريند، كاشفة:  أنا بكره التريند ومش بحب التريندات اللي مقصودة، ومش بيهمني الناس، و مش ببوس جوزي في الصور عشان أطلع تريند، أنا ببوسه في كل مناسبة وأي حته وفي البيت وقدام الكاميرا وهو لما بيظهر معايا في اي مناسبة ببوسه من فرحتي.