زوجة فى دعوى خلع : جوزى بيرفس وهو نايم ومبعرفش أنام جنبه

جوزى نومه وحش ونمت بعيد عنه من ليلة الدخلة ... بتلك الكلمات روت زوجة لتحيا مصر من داخل محكمة الأسرة عن زوجها الذى تزعجها طريقة نومه بعد 6 شهور زواج فقط مما جعلها تنفر منه وتطالب المحكمة بالخلع منه .

جريمة «قهوجي الجيزة».. استغل طفلة من ذوى الإعاقة واعتدى عليها جنسيا

رعب في قلب القاهرة.. طفل مكفن يسيل منه دماء على ظهر ميكروباص

متجوزين عن حب وكنت فاكرة هنكمل مع بعض

بدأت الزوجة حدثه لتحيا مصر :" أنا وجوزى متجوزين من 6 شهور وكان جواز عن حب بقاله 5 سنين من لما كنا فى الكلية مع بعض وكنت فاكرة أن جوازنا هيدوم لكن كل حاجة أتدمرت جوزى كان دايماً بيحكيلى عن نفسه كتير وبيقولى أنى مش هلاقى راجل أرتاح معاه غيره وفعلاً لما كنت بسأل أخوات جوزى عليه كانوا بيقولولى أنه راجل مثالى والعيشة معاه مريحة وطلعوا فى الآخر كانوا بيضحكوا عليا عشان الجوازة تكمل ".

زوجة: بيرفس وهو نايم ومش بنام جنبه 

وتابعت الزوجة حديثها :" بعد الجواز ومن ليلة الدخلة وجوزى بيرفس وهو نايم وممكن يضربنى بإيده او برجله وبصحى من النوم بسببه مفزوعة بسبب اللى بيعمله فيا فقررت أنام فى أوضة الأطفال وكان هو بيتخانق معايا بسبب أننا متجوزين جديد والمفروض زى اى راجل ومراته ننام جنب بعض لكن أنا حاولت كتير ومبقيتش مستحملة ولما بقوله وبعرفه أن نومه وحش بيقولى هحاول أغير الموضوع ده ومفيش حاجة بتتغير فى الآخر ". 

زوجة: رفعت خلع وقالى كنت فاكرك أصيلة 

و أختتمت الزوجة حديثها :" آخر ما تعبت وجيبت آخرى سيبت البيت لجوزى عشان أرجع أنام مرتاحة فى بيت أهلى ولما طلبت منه الطلاق رفض يطلقنى وقالى " مش سبب تافه زى ده اللى هيخلينا ننفصل وأحنا لسة عرسان جداد " لكن أنا ست بقدس النوم وبيبقى نفسى أنام فى حضن جوزى بليل زى اى ست متجوزة وبقيت محرومة من ده روحت رفعت عليه خلع وحمدت ربنا أنى كنت باخد وسيلة منع الحمل عشان منبقاش أتربطنا بأطفال وهو لما عرفت أنى هخلعه قالى " كنت فاكرك ست أصيلة وأنتى اللى خسرتينى " لكن انا مش هقدر أقول غير أن ربنا يعوض عليا ويرزقه بواحده تستحمله ".