الحرب ادتني قوة وإرادة وإحنا عايشين في أحلى دولة.. أبرز تصريحات لطفي لبيب

حل الفنان لطفي لبيب ضيف على برنامج “أنا والقناع”، الذي تقدمه الإعلامية منى عبد الوهاب على شاشتي قناة الحياة وقناة سي بي سي، والذي كشف خلاله رحلته مع حرب أكتوبر، ويرصد تحيا مصر أبرز تصريحاته في هذا التقرير.

لطفي لبيب: مفيش ولا فيلم بيعبر عن حقيقة اللي حصل في حرب أكتوبر

قال لطفي لبيب خلال البرنامج عن ميلاده بعد حرب أكتوبر فقال: “كان ميلاد قاسي جدا عشان رحلة الفن رحلة طويلة ابتدتها في معهد فنون مسرحية مع زملائي خريجي سنة 70 منهم نبيل الحلفاوي ومحمد صبحي وهادي الجيار ويسري مصطفى وسامي فهمي، وكان عليا أن أبدأ من الأول خالص، واستقبلت كل الفنانين وأنا في الجيش كانوا بيصوروا في الكتيبة بتاعتي منهم أبناء الصمت وولا فيلم منهم بيعبر عن حقيقة اللي حصل في حرب اكتوبر”.

وأضاف: يمكن أبناء الصمت شوية وبينتهي بنصر أكتوبر، ببتدي بالعبور ونشوف اي الدنيا وللاسف متعملش فيلم عن حرب أكتوبر ولا تعبر 

لطفي لبيب يكشف مواقف طريفة له في الجيش: كانوا بيسألوني مبصليش معاهم ليه واكتشفو إننا مسيحي

ووتطرق لطفي لبيب عن مواقفه الطريفة في الجيش، فقال: “ كانوا بيسألوني مبصليش معاهم ليه واكتشفو إننا مسيحي، مصر كانت مختلفة أنا دخلت في 70 وطلع في أواخر 75 6 سنين قاعد في حفرة قبل ما أدخل كانت مصر غير، ومكنش فيها مسيحي ومسلم لكن بعد ما طلعت الحياة اتغير والحرام كتر والحلال حاسب وخلي بالك”.

وتابع: صديق عمري كان الشيخ عبد الفتاح صقر إمام مسجد واتشكلت مننا جماعات دفن شهداء .

لطفي لبيب يتحدث عن لحظة استشهاد العميد أحمد حمدي في حرب أكتوبر

وكشف عن لحظات استشهاد العميد أحمد حمدي، فقال: “الشهيد أحمد حمدي استشهد قدامي كان بيجري هو روجالته عشان يعملوا كوبري والتيار كان جامد واتعرض لدفعة طيران الرجالة اللى معاه قالوا استشهد العميد أحمد حمدى وكملوا الكوبرى فى لحظات بعد انتهاء الكوبرى بدأت العربيات والدبابات تعدى ومعدات برمائية تعدى القناة والوطن كان غالى جدا خلال الحرب”.

وأضاف لطفي لبيب: الحرب ادتني قوة وإرادة وصلابة وإصرار ومتابع كل صحابي اللي معايا في الحرب وكل شوية أتلقى تليفون فلان رحل، ومن المواقف اللي قابلتني سيد عبد الرازق نزل خد دفعة رشاش مقالش أه قال حد ياخد مكاني يجماعة وبعدها استشهد، وأخويا إكرام الأسرى قالوله عايز تقول حاجة قالهم أرجوا إن أخويا لطفي يكون بخير بس.

لطفي لبيب: إحنا عايشين في أحلى دولة

واختتم لطفي لبيب حديثه، قائلا: “إحنا عايشين في أحلى دولة والمحبة أساسية في الحياة نحب بعض هتلاقينا زي الفل لكن فيه ازمة خيال لو بصينا لكتاب المسرح زي عبد الرحمن الشرقاوي وصلاح عبد الصابور وغيرهم كوكبة من العظما النهاردة فين؟، وأنا بكتب موضوعات جميلة تقلم أظافر الوحش داخل الانسان”.