نيللي كريم: وفاة والدي كانت صدمة وفي الطلاق البنت بتكون محتاجة أبوها

تحدثت الفنانة نيللي كريم عن كواليس مشاركتها مع الفنان أحمد عيد في مسلسل عملة نادرة، كما تحدثت عن والده وأثر وفاته عليها.

تحيا مصر يرصد لكم تصريحات نيللي كريم

وقالت نيللي كريم خلال استضافتها في برنامج حبر سري والتي تقمه الإعلامية أسما إبراهيم: أحمد عيد فنان جميل ورائع وملتزم جدا وموهوب وعامل دور رائع ومفاجأة لكل الناس دور مسعود في عملة نادرة.

وتابعت: وانا بحبه جدا وبحب أفلامه واحمد عيد كواليسه حلوة اوي وشخصيته حلوة في الكواليس  وجميلة ودايما بيكون موجود قبل ميعاده وهو فنان رائع جدا.

نيللي كريم: وفاة والدي كانت صدمة ومكنتش متوقعة موته

وتحدثت نيللي كريم عن وفاة والدها وقالت: كنت عارفة أن والدي تعبان بس معرفش طبيعة مرضه، ومكنتش متوقعه يموت وكنت فاكرة أنه عيان وهيتعالج ويرجع معانا البيت، ووجوده في حياتي كان مهم جدًا.

نيللي كريم: أنا دمعتي قريبة وبعيط كتير جدًا

وكشفت نيللي: عديت بحاجات كتير في حياتي وكنت بعيط كتير أوي ودمعتي قريبة، وجه عليا وقت قولت مش هستسلم للحزن والاكتئاب ومبقتش أخد وقت في الزعل.

وتابعت: حسيت اني فشلت في علاقاتي وفي الطلاق بتكون البنت محتاجة أب في ضهرها ومعاها وافتقدته جدا، وده احساس صعب جدًا للبنت.

تصريحات نيللي كريم

وكانت قد كشفت نيللي كريم عن قصة تعارفها بزوجها هشام عاشور في حلقتها بالأمس، وقالت:  قبل ما نقرر نتجوز كنت شايلة موضوع الجواز من دماغي وقولت ربنا مديني شغلي وولادي.

وتابعت: أعرف رامي عاشور من زمان وكنا صحاب جدًا من قبل ما اعرف هشام، واحنا كنا صحاب وكنا بنخرج سوا كلنا ولما قالي تيجي نتجوز قولتله مش في دماغي.

وأضافت:  لما بنكبر بنبص للجواز بنظرة مختلفة وأهم حاجة نكون صحاب، وكل واحد بياخد حريته في كل حاجة وبيقول رأية بصراحة من غير ما يخاف أزعل، وبلاش نتجمل قدام بعض وكل واحد عارف عيوب ومشاكل التاني
نيللي كريم: مش متربية على نظرية ضل راجل ولا ضل حيطة لأن مفيش حد هيفدني غير نفسي.