تامر أمين عن الهجوم عليه بسبب لحم الحمير: الشتيمة خير وكنت مبسوط

تحدث الإعلامي تامر أمين عن الهجوم الذي تعرض له بسبب حديثه عن لحم الحمير في حلقة من برنامجه الشهير آخر النهار.

تحيا مصر يرصد تفاصيل تصريحات تامر أمين في العرافة

حيث قال أمين خلال حواره اليوم ببرنامج العرافة مع الإعلامية بسمة وهبة: أنا قعدت اتفرج على الفيلم العربي بتاع الحمير دا ومرضيتش ادخل أعقب والحقيقة القصة دي هي كاشفة جدا للي بيحصل في حياتنا.

تعليق تامر أمين على الهجوم الذي تعرض له

وتابع: نحن في زمن السوشيال ميديا بامتياز، هي اللي بتحرك وتوجه وصاحبة الحقيقة المطلقة.. ايه الغلط في اللي انتي تعملي شغلك وتعملي تحقيق.. وكلامي كان استفهامي، بس السوشيال ميديا بتوجه ما تريد، والقناة شالت الفيديو عشان خافوا من الهجوم عليا.. انا من وجهة نظري مغلطتش.

واستكمل: احنا خدنا على لحم الحمير، وأنا مقبلش أكل لحم حمير، أنا أكتر واحد بعتذر، ومسح الفيديو مش اعتذار بس عشان وجع الراس، طالما أنا بعمل شغلي التحقيقي

واختتم حديثه: الشتيمة خير، فكرة أن حد اهتم بيك معناها أن ليك وجود ومؤثر، وكنت مبسوط من الحالة.. اتحداكي أن أي مذيع في مصر لا يفكر في التريند في شغله.

تامر أمين لـ محمد رمضان: مين بياخدلك قرارتك وبيحاول يوقعك؟

وسبق وأن وجه تامر أمين رسالة لـ محمد رمضان، قال فيها: “مين بينصحك تعمل كدة، هل قرارتك بتاخدها لوحدك ولا فيه دايرة بتقولك إعمل كذا، زي موضوع حفل اسكندرية، أما طلع قال انا نازل اسكندرية دلوقتي، فعايزة أعرف مين بيقولك كدة وهل قرارك  نابع من راسك ولا من دايرة مستشرين حاوليك أوقات بياخدوك لمكان غلط”.

وتابع: “محمد رمضان صديق وممثل موهوب ونجم جماهيري جدا، وأكتر حاجة بتعجبني فيه إنه متصالح مع نفسه، وقت بيقابلني بيقولي أنه هو شاف تصريحتي عنه وبيحترمها".

وعندما سألته أسما ابراهم، قائلة: بحكم الصداقة بينكم وبين محمد رمضان ليه ميكونش انتقادك ليه على الواتساب أو مكالمة تليفون، رد عليها تامر أمين: الكلام ده لو أنا ابن خالتو.. أنا كدة مصلح إجتماعي مش مذيع.